ਪੰਨਾ:ਪਾਦਰੀ ਸੇਰਗਈ - ਲਿਓ ਤਾਲਸਤਾਏ - ਗੁਰਬਖ਼ਸ਼ ਸਿੰਘ ਫ਼ਰੈਂਕ.pdf/80

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਚਮਤਕਾਰੀ ਸ਼ਕਤੀ ਰੱਖਣ ਵਾਲੇ ਪਾਦਰੀ ਸੇਰਗਈ ਨੂੰ ਇਕ ਬਾਈ ਸਾਲ ਦੀ ਕੁਆਰੀ ਕੁੜੀ ਦਾ ਇਲਾਜ ਕਰਨਾ ਪੈ ਗਿਆ। ਉਸਦਾ ਵਪਾਰੀ ਪਿਤਾ ਉਸਨੂੰ ਪਾਦਰੀ ਦੇ ਹਜ਼ੂਰ ਲੈ ਕੇ ਹਾਜ਼ਰ ਹੋਇਆ ਸੀ। ਮਾਂ ਦੀ ਮੌਤ ਤੋਂ ਪਿਛੋਂ ਕੁੜੀ ਏਨੀ ਸਹਿਮ ਗਈ ਸੀ ਕਿ ਉਸਨੂੰ ਉਜਾਲੇ ਤੋਂ ਭੈਅ ਆਉਣ ਲਗ ਪਿਆ ਸੀ। ਉਸ ਦੇ ਪਿਤਾ ਨੇ ਉਸ ਨੂੰ ਸੂਰਜ ਡੁੱਬਣ ਤੋਂ ਪਿੱਛੋਂ ਪਾਦਰੀ ਅੱਗੇ ਪੇਸ਼ ਕੀਤਾ।

ਇਸ ਨਵੇਂ ਜੀਵ ਦਾ ਬੇਮੁਹਾਰਾ ਪਾਗਲਪਨ ਲਾ-ਇਲਾਜ ਜਾਪਦਾ ਸੀ। ਪਾਦਰੀ ਸੇਰਗਈ ਨੂੰ ਇਸ ਗੱਲ ਦਾ ਵੀਅਹਿਸਾਸ ਸੀ ਕਿ ਇਹੋ ਜਿਹੇ ਕੇਸ ਨੂੰ ਠੀਕ ਕਰਨ ਨਾਲ ਉਸ ਦੀਆਂ ਧੁੰਮਾਂ ਬਹੁਤ ਦੂਰ ਤੱਕ ਪੈ ਸਕਦੀਆਂ ਸਨ। ਲੜਕੀ ਦੇ ਵਾਲ ਸੁਨਹਿਰੀ ਸਨ, ਰੰਗ ਗੋਰਾ ਅਤੇ ਸਰੀਰ ਗੁਦਗੁਦਾ ਤੇ ਮਸਕੀਨ। ਚਿਹਰਾ ਬੱਚਿਆਂ ਵਰਗਾ ਮਾਸੂਮ ਤੇ ਆਪਾ ਵਾਰਨ ਵਾਲਾ।

ਜਿਉਂ ਹੀ ਉਸਨੇ ਪਾਦਰੀ ਦਾ ਹਥ ਚੁੰਮਿਆ ਤੇ ਅਪਣੀਆਂ ਸੁੰਦਰ ਸੁਡੌਲ ਬਾਹਾਂ ਉਸਦੇ ਲੱਕ ਦੁਆਲੇ ਕਸ ਦਿੱਤੀਆਂ ਤਾਂ ਪਾਦਰੀ ਡੋਲੇ ਬਿਨਾ ਨਾ ਰਹਿ ਸਕਿਆ। ਮਹਿਮਾ ਦੀ ਟੀਸੀ ਉੱਤੇ ਚੜ੍ਹ ਕੇ ਪਾਦਰੀ ਦਾ ਇਸ ਕਸ਼ਮਕਸ਼ ਵਿਚ ਹਾਰਨਾ ਉਸਦੀ ਮੌਤ ਸਮਾਨ ਸੀ। ਪਾਦਰੀ ਸੇਰਗਈ ਦੇ ਸੰਭਲਣ ਦੀ ਰੌਚਕ ਤੇ ਹਸੀਨ ਗਾਥਾ ਪੜਿਆਂ ਹੀ ਮਾਣੀ ਜਾ ਸਕਦੀ ਹੈ। ਇਹ ਟਾਲਸਟਾਏ ਦਾ ਵੱਡੇ ਤੋਂ ਵੱਡੇ ਅਰਥਾਂ ਵਾਲਾ ਨਿੱਕੇ ਤੋਂ ਨਿੱਕਾ ਨਾਵਲ ਹੈ।

 

Rs. 80/-