ਪੰਨਾ:ਮਹਿੰਦੀ ਸ਼ਗਨਾਂ ਦੀ - ਸੁਖਦੇਵ ਮਾਦਪੁਰੀ.pdf/41

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



13 .
ਸਿੰਜੀਂ ਵੇ ਬਾਬਲ ਧਰਮ ਕਿਆਰੀਆਂ
ਜੋੜੀਂ ਵੇ ਬਾਬਾ ਹਾਰੀ ਹਲਟ
ਸਿੰਜੀਂ ਧਰਮ ਕਿਆਰੀਆਂ
ਜੋੜਿਆ ਨੀ ਬੇਟੀ ਹਾਰੀ ਹਲਟ
ਮੇਰੀ ਲਾਡਲੀ
ਸਿੰਜੀਆਂ ਧਰਮ ਕਿਆਰੀਆਂ
ਕਿਥੋਂ ਵੇ ਬਾਬਾ ਆਈ ਮੇਰੀ ਜੰਨ
ਕਿਥੇ ਸਿਰੀ ਰੰਗ ਆਪ ਐ
ਨੀਵੇਓਂ ਨੀ ਆਈ ਬੇਟੀ ਤੇਰੀ ਜੰਨ
ਮੇਰੀ ਲਾਡਲੀ
ਉੱਚਿਓਂ ਨੀ ਸਿਰੀ ਰੰਗ ਆਪ
ਕਿੱਥੇ ਵੇ ਉਤਰੀ ਬਾਬਾ ਮੇਰੀ ਜੰਨ
ਕਿੱਥੇ ਸ੍ਰੀ ਰੰਗ ਆਪ ਐ
ਮਹਿਲੀਂ ਨੀ ਉਤਰੀ ਤੇਰੀ ਜੰਨ
ਤੰਬੂਏਂ ਸਿਰੀ ਰੰਗ ਆਪ ਐ
ਦੇਏਓ ਵੇ ਨਾਈਓ ਥਾਲੀਆਂ ਕਟੋਰੇ
ਪੀਵਣਗੇ ਹਰੀ ਜੀ ਦੇ ਜਾਨੀ
ਪਾਇਓ ਵੇ ਵੀਰੋ ਸੀਰਨੀ
ਖਾਵਣਗੇ ਹਰੀ ਜੀ ਦੇ ਜਾਨੀ
14.
ਉੱਪਰ ਤਾਂ ਬਾੜੇ ਤੈਨੂੰ ਸਦ ਹੋਈ
ਸਾਲੂ ਵਾਲ਼ੀਏ ਨੀਂ
ਆਣ ਕੇ ਸਾਹਾ ਨੀ ਸਧਾ
ਦਿਲਾਂ ਵਿਚ ਵਸ ਰਹੀਏ
ਸਾਹਾ ਸਧਾਵਣ ਨਾਈ ਬਾਹਮਣ
ਚੀਰੇ ਵਾਲ਼ਿਆ
ਜਿਨ੍ਹਾਂ ਨੇ ਲੈਣਾ ਤੈਥੋਂ ਲਾਗ
ਦਿਲਾਂ ਵਿਚ ਵਸ ਰਹੀਏ

ਮਹਿੰਦੀ ਸ਼ਗਨਾਂ ਦੀ/ 43