ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਮੈਂ ਅਕਸਰ ਕਿਹਾ ਕਰਦਾ ਹਾਂ ਕਿ ਮੈਂ ਏਸ ਦੁਨੀਆ ਲਈ ਨਹੀਂ ਤੇ ਨਾ ਹੀ ਇਹ ਦੁਨੀਆ ਸ਼ਾਇਦ ਮੇਰੇ ਲਈ ਹੈ, ਪਤਾ ਨਹੀਂ ਰਬ ਨੂੰ ਟੱਪਲਾ ਕਿਉਂ ਲੱਗਾ। ਮੈਨੂੰ ਕਿਸੇ ਹੋਰ ਜੁੱਗ ਵਿਚ ਸੁੱਟਿਆ ਹੁੰਦਾ ਤਾਂ ਚੰਗਾ ਸੀ। ਸੱਚਾਈ ਦਾ ਨਾਂ ਏਸ ਜੱਗ ਤੋਂ ‘ਉਨਕਾ’ ਹੈ ਤੇ ਸੱਚ ਦਾ ਪਰਚਾਰ, ਠੀਕ ਗੱਲ ਦਾ ਕਥਨ ਤੇ ਨੇਕ ਦਿਲੀ ਵਜੋਂ ਨੇਕ ਦਿਲੀ ਦੀ ਉਮੈਦ ਅਕਸਰ ਇਨਸਾਨ ਨੂੰ ਭੈੜਿਆਂ ਬਣਾ ਦੇਂਦੀ ਹੈ। ਮੇਰੀ ਤਬੀਅਤ ਵਿਚ ਵੱਡੀ ਮਹਿਸੂਸ ਕਰਨ ਦੀ ਸ਼ਕਤੀ ਹੈ ਤੇ ਮੈਂ ਜੋ ਕੁਝ ਪਿਆਰ ਵਜੋਂ ਦੇਂਦਾ ਹਾਂ ਉਸ ਦਾ ਅੱਧਾ ਪਚੱਦਾ ਮੁਆਵਜ਼ਾ ਪਿਆਰ ਤੇ ਹਮਦਰਦੀ ਦੀ ਸ਼ਕਲ ਵਿਚ ਚਾਹੁੰਦਾ ਵੀ ਹਾਂ—ਇਹ ਕੁਦਰਤੀ ਹੈ, ਪਰ ਇਹ ਮੰਗ ਜਾਂ ਏਸ ਦੀ ਆਸ ਮੈਨੂੰ ਕਈ ਵੇਰ ਬੁਰਿਆਂ ਬਣਾ ਦੇਂਦੀ ਹੈ। ਦੁਨੀਆਂ ਚਾਹੁੰਦੀ ਹੈ ਕਿ One way traffic ਹੋਵੇ। ਤੁਸੀ ਲੋਕਾਂ ਵਾਸਤੇ ਸਭ ਕੁਝ ਕਰੋ ਪਰ ਉਹਨਾ ਵਲੋਂ All Quiet ਹੋਵੇ-ਕੋਈ ਵਾਪਸੀ ਰਸੀਦ ਨਹੀਂ। ਕਿਸੇ ਏਹੋ ਜਹੇ ਸੁਭਾ ਵਿਚ ਮੈਂ ਇਹ ਨਜ਼ਮ ਲਿਖੀ ਹੈ ਜਦ ਕਿ ਜ਼ਿੰਦਗੀ ਤੋਂ ਸਚ ਮੁਚ ਬੇਜ਼ਾਰ ਸਾਂ।
*
੧੮੦
