ਇਹ ਸਫ਼ਾ ਪ੍ਰਮਾਣਿਤ ਹੈ
ਰੱਬ ਦੇ ਪਰਾਹੁਣੇ
1014
ਉਹ ਘਰ ਛੜਿਆਂ ਦਾ
ਜਿਥੇ ਸ਼ੀਸ਼ਾ ਮੋਚਨਾ ਖੜਕੇ
1015
ਲੋਪੋਂ ਪਿੰਡ ਸੰਤਾਂ ਦਾ
ਜਿਥੇ ਛੜਿਆਂ ਦੀ ਸਰਦਾਰੀ
1016
ਅੱਗ ਲੱਗੇ ਕੱਤਣੀ ਨੂੰ
ਅਸੀਂ ਮੋਰ ਦਾ ਪਾਪ ਨੀ ਕਰਨਾ
1017
ਸੀਸ ਦੇਣ ਜੇ ਛੜੇ ਮਸਤਾਨੇ
ਪੁੱਤ ਜੰਮੇ ਸੰਢਣੀ ਨੂੰ
1018
ਹੁਕਮ ਤਸੀਲੋਂ ਆਇਆ
ਰੰਡੀਆਂ ਨੂੰ ਕੋਈ ਕਰ ਲਓ
1019
ਕੁੜਤੀ ਤੇ ਮੋਰਨੀਆਂ
ਛੜੇ ਪੱਟਣ ਨੂੰ ਪਾਈਆਂ
1020
ਖਿੜਕੀ ਖੋਹਲੂ ਛੜਿਆਂ ਦੀ
ਕੋਈ ਖੋਹਲੂ ਹੌਂਸਲੇ ਵਾਲ਼ੀ
1021
ਘੁੰਡ ਕੱਢਣਾ ਤਵੀਤ ਨੰਗਾ ਰੱਖਣਾ
ਛੜਿਆਂ ਦੀ ਹਿੱਕ ਲੂਹਣ ਨੂੰ
1022
ਚੁੱਲ੍ਹੇ ਅੱਗ ਨਾ ਘੜੇ ਵਿਚ ਪਾਣੀ
ਛੜਿਆ ਦੋਜਕੀਆ
ਗਾਉਂਦਾ ਪੰਜਾਬ :: 137
