ਇਹ ਸਫ਼ਾ ਪ੍ਰਮਾਣਿਤ ਹੈ
479
ਅੱਧੀ ਤੇਰੀ ਆਂ ਮਲਾਹਜੇਦਾਰਾ
ਅੱਧੀ ਆਂ ਮੈਂ ਹੌਲਦਾਰ ਦੀ
480
ਜੀਹਦੇ ਘਰ ਦੇ ਘੂਰਦੇ ਮਾਪੇ
ਓਹਦੀ ਯਾਰੀ ਨਹੀਂ ਨਿਭਦੀ
481
ਕੰਧ ਟੱਪ ਕੇ ਭਨਾ ਲੇ ਗੋਡੇ
ਮਿੱਤਰਾਂ ਦੇ ਮਿਲਣੇ ਨੂੰ
482
ਕੱਚੇ ਦੁੱਧ ਨੂੰ ਜਾਗ ਨਾ ਲਾਵਾਂ
ਝਾਕਾਂ ਯਾਰ ਦੀਆਂ
483
ਤੇਰੀ ਯਾਰੀ ਨੇ ਵਫ਼ਾ ਨਾ ਕੀਤਾ
ਲੱਗ ਗਈਆਂ ਹੱਥ ਕੜੀਆਂ
484
ਕਿਹੜੇ ਯਾਰ ਦਾ ਤੱਤਾ ਦੁੱਧ ਪੀਤਾ
ਸੜ ਗਈਆਂ ਲਾਲ ਬੁੱਲ੍ਹੀਆਂ
485
ਕੁੱਤੀ ਮਰਜੇ ਗੁਆਂਢਣੇ ਤੇਰੀ
ਗਲ਼ੀ ਵਿਚੋਂ ਯਾਰ ਮੋੜਿਆ।
486
ਹੱਥੀਂ ਯਾਰ ਵਿਦਾ ਨਾ ਕੀਤਾ
ਦਿਲ ਵਿਚ ਰੋਸ ਰਹਿ ਗਿਆ
487
ਗਲ਼ ਲੱਗ ਕੇ ਯਾਰ ਦੇ ਰੋਈ
ਮਾਪਿਆਂ ਝਿੜਕ ਦਿੱਤੀ
488
ਮੇਰੀ ਸੱਸ ਭਰਮਾਂ ਦੀ ਮਾਰੀ
ਹੱਸ ਕੇ ਨਾ ਲੰਘ ਵੈਰੀਆ
489
ਫੋਟੋ ਤੇਰੀ ਨੂੰ
ਨਿੱਤ ਉੱਠ ਕੇ ਕਲੇਜੇ ਲਾਵਾਂ
76:: ਗਾਉਂਦਾ ਪੰਜਾਬ
