ਇਹ ਸਫ਼ਾ ਪ੍ਰਮਾਣਿਤ ਹੈ
490
ਝੂਠੀ ਪੈ ਗੀ ਬਚਨਾਂ ਤੋਂ
ਮੱਥੇ ਯਾਰ ਦੇ ਲੱਗਿਆ ਨਾ ਜਾਵੇ
491
ਸੁਫ਼ਨੇ 'ਚ ਪੈਣ ਜੱਫੀਆਂ
ਅੱਖ ਖੁਲ੍ਹੀ ਤੋਂ ਨਜ਼ਰ ਨਾ ਆਇਆ
492
ਕੁੱਲੀ ਯਾਰ ਦੀ ਸੁਰਗ ਦਾ ਝੂਟਾ
ਅੱਗ ਲੱਗੇ ਮੰਦਰਾਂ ਨੂੰ
493
ਜਿੰਦ ਯਾਰ ਦੇ ਮੰਜੇ ਤੇ ਨਿਕਲ਼ੇ
ਸੁਰਗਾਂ ਨੂੰ ਜਾਣ ਹੱਡੀਆਂ
494
ਰਾਤੀਂ ਯਾਰ ਨੇ ਗਲ਼ੇ ਨਾਲ਼ ਲਾਈ
ਰੱਬ ਦਾ ਦੀਦਾਰ ਹੋ ਗਿਆ
495
ਚੰਨ ਭਾਵੇਂ ਨਿੱਤ ਚੜ੍ਹਦਾ
ਸਾਨੂੰ ਸੱਜਣਾਂ ਬਾਝ ਹਨ੍ਹੇਰਾ
496
ਜਿੰਦ ਨਿਕਲ਼ੇ ਦੋਹਾਂ ਦੀ ਸਾਂਝੀ
ਪੱਟਾਂ ਉੱਤੇ ਸੀਸ ਧਰ ਕੇ
497
ਤੈਨੂੰ ਵੇਖ ਕੇ ਸਬਰ ਨਾ ਆਵੇ
ਯਾਰਾ ਤੇਰਾ ਘੁੱਟ ਭਰ ਲਾਂ
498
ਹਾਰਿਆਂ 'ਚ ਦੁੱਧ ਕੜ੍ਹਦਾ
ਵੇ ਮੈਂ ਸੜ ਗਈ ਹਿਜ਼ਰ ਦੀ ਮਾਰੀ
ਗਾਉਂਦਾ ਪੰਜਾਬ:: 77
