ਆਓ ਪੰਜਾਬੀ ਸਿੱਖੀਏ/ਅੱਡ ਆਵਾਜ਼ ਦੀਆਂ ਲਾਵਾਂ ਦੁਲਾਵਾਂ
ਅੱਡ ਆਵਾਜ਼ ਦੀਆਂ ਲਾਵਾਂ ਦੁਲਾਵਾਂ
ਲਗਾਉਂਦਿਆਂ ਗਲਤੀ ਨਾ ਮੈਂ ਖਾਵਾਂ।
ਅੱਡ ਆਵਾਜ਼ ਦੀਆਂ ਲਾਵਾਂ ਦੁਲਾਵਾਂ।
ਅੱਖਰ ਦੇ ਥੋੜ੍ਹਾ ਪਿਛਲੇ ਪਾਸੇ।
ਸਿਰ ਤੇ ਤੁਰਲੇ ਵਾਂਗੂੰ ਜਾਪੇ।
ਕਰਦੀਆਂ ਵਾਰੋ-ਵਾਰੀ ਛਾਵਾਂ।
ਅੱਡੋ-ਅੱਡ ਨੇ ਲਾਵਾਂ ਦੁਲਾਵਾਂ।
ਲਾਂ ਤੇ ਏ ਦੀ 'ਵਾਜ਼ ਕਢਾਉਂਦੀ।
ਸ਼ੇਰ ਬੇਰ ਤੇ ਮੇਲ਼ ਸਦਾਉਂਦੀ।
ਮੇਨ ਸੇਨ ਜਿਹਾ ਆਖ ਸੁਣਾਵਾਂ।
ਅੱਡੋ ਅੱਡ ................
ਐ ਬੋਲਾਂ ਜਦ ਲੱਗਣ ਦੁਲਾਈਆਂ।
ਸੈਰ ਬੈਰ ਤੇ ਮੈਲ ਲਿਖਾਈਆਂ।
ਮੈਨ ਸੈਨ ਜਿਹਾ ਕਹਿ ਫੁਰਮਾਵਾਂ।
ਅੱਡੋ ਅੱਡ ...............
ਸਮਝ ਸੋਚ ਕੇ ਬੱਚਿਓ ਬੋਲੋ।
ਜੋ ਲਗ ਲੱਗਦੀ ਜੀਭ ਤੇ ਤੋਲੋ।
ਸ਼ੁੱਧ ਬੋਲੋਗੇ ਚਮਕੂ ਨਾਵਾਂ।
ਅੱਡੋ ਅੱਡ ................