ਆਕਾਸ਼ ਉਡਾਰੀ/ਗੁਰੂ ਨਾਨਕ ਦੇਵ ਜੀ ਦੇ ਚੋਜੀ
ਗੁਰੂ ਨਾਨਕ ਦੇਵ ਜੀ ਦੇ ਚੋਜ
ਹੇ ਨਾਨਕ, ਹੇ ਸਤਿਗੁਰੂ ਨਾਨਕ,
ਸਾਰ ਨਾ ਜਾਣਾ ਤੇਰੀ।
ਝਲਕ ਨਿਗਾਹ, ਇਕ ਪਲਕ ਵਿਖਾ,
ਬਾਬਰ ਦੀ ਚੱਕੀ ਫੇਰੀ।
ਜਿਥੇ ਵੇਖੇਂ ਪਾਪ ਹੋਂਵਦੇ,
ਪੁਜੇਂ ਉਥੇ ਜਾ ਕੇ।
ਆਕੜ, ਆਕੜ ਖਾਂ ਦੀ ਭੰਨੀ,
ਪੱਥਰਾਂ ਵਿਚ ਪੰਜੇ ਲਾ ਕੇ।
ਧੰਨ ਗੁਰੂ ਨਾਨਕ, ਤੂੰ ਧੰਨ ਹੈਂ,
ਧੰਨ ਤੇਰੀ ਹੈ ਕਰਨੀ।
ਕੌਡੇ ਵਰਗੇ ਰਾਖਸ਼ ਲੱਖਾਂ,
ਡਿਗ ਪਏ ਤੇਰੀ ਚਰਨੀਂ।
ਮੇਹਰ ਭਰੀ ਇਕ ਨਜ਼ਰ ਨਾਲ,
ਜਦ ਜਿਸ ਦੇ ਵੱਲ ਤੂੰ ਡਿੱਠਾ।
ਰੇਠੇ ਵਰਗਾ ਕੌੜਾ ਹਿਰਦਾ,
ਪਲ ਵਿਚ ਹੋ ਗਿਆ ਮਿੱਠਾ।