ਆਕਾਸ਼ ਉਡਾਰੀ/ਬੇਨਤੀ

ਵਿਕੀਸਰੋਤ ਤੋਂ
ਨੈਵੀਗੇਸ਼ਨ 'ਤੇ ਜਾਓ ਸਰਚ ਤੇ ਜਾਓ

ਬੇਨਤੀ

ਉਮਰ ਛੋਟੀ ਹੈ ਮਿਰੀ,
ਮੈਂ ਬਾਲ ਹਾਂ ਨਾਦਾਨ ਹਾਂ।
ਅਕਲ ਭੀ ਮੈਨੂੰ ਨਹੀਂ,
ਬਿਲਕੁਲ ਅਜੇ ਅਨਜਾਣ ਹਾਂ।
ਗੁਣ ਨਹੀਂ ਪੱਲੇ ਕੁਈ,
ਮੈਂ ਨਾ ਬਲੀ ਬਲਵਾਨ ਹਾਂ।
ਮੂੜ ਹਾਂ, ਬੇਸਮਝ ਹਾਂ,
ਮੈਂ ਨਾਂ ਕੋਈ ਵਿਦਵਾਨ ਹਾਂ।
ਬਖ਼ਸ਼ ਮੈਨੂੰ ਸਤਿਗੁਰੂ,
ਮੈਂ ਭੀ ਤੇਰੀ ਸੰਤਾਨ ਹਾਂ।

ਔਗਣਾਂ ਦੀ ਪੰਡ ਹਾਂ,
ਪਾਪੀ ਹਾਂ, ਮੈਂ ਨਾਪਾਕ ਹਾਂ।
ਹਬ ਜੋੜ ਵਿਦਿਆ ਦਾਤਿਆਂ ਦੇ
ਚਾਕਰਾਂ ਦਾ ਚਾਕ ਹਾਂ।
ਸਾਦਗੀ ਗਹਿਣਾ ਮਿਰਾ,
ਨਾ ਸ਼ੋਖ਼ ਨਾ ਚਾਲਾਕ ਹਾਂ।
ਹੇ ਮੇਰੇ ਦਾਤਾਰ ਮੈਂ ਤਾਂ,
ਦਰ ਤੇਰੇ ਦੀ ਖ਼ਾਕ ਹਾਂ।
ਬਖ਼ਸ਼ ਬਖ਼ਸ਼ਨ ਹਾਰਿਆ,
ਮੈਂ ਭੀ ਤੇਰਾ ਕੁਝ ਸਾਕ ਹਾਂ।