ਕੌਡੀ ਬਾਡੀ ਦੀ ਗੁਲੇਲ/ਆਈ ਬਸੰਤ

ਵਿਕੀਸਰੋਤ ਤੋਂ
ਨੈਵੀਗੇਸ਼ਨ 'ਤੇ ਜਾਓ ਸਰਚ ਤੇ ਜਾਓ

ਆਈ ਬਸੰਤ

ਸਰਦੀ ਦੇ ਵਿੱਚ ਰਿਹਾ ਨਾ ਤੰਤ।
ਆਈ ਬਸੰਤ, ਆਈ ਬਸੰਤ।

ਪੀਲੇ ਫੁੱਲ ਸਰ੍ਹੋਂ ਦੇ ਖਿੜਗੇ।
ਅੰਬ-ਬੂਰ ਦੇ ਗੁੱਛੇ ਭਿੜਗੇ।
ਕੋਇਲ ਕੂਕੀ ਰਾਗ ਨੇ ਛਿੜਗੇ।
ਟਹਿਕ ਰਿਹਾ ਏ ਜੀਆ-ਜੰਤ।
ਆਈ ਬਸੰਤ,

ਕੱਚੀ ਧੁੱਪ ਪਿਆਰੀ ਲਗਦੀ।
ਮਹਿਕਾਂ ਭਰੀ ਹਵਾ ਏ ਵਗਦੀ।

ਮੌਸਮ ਬਦਲੀ ਦਿਲ ਨੂੰ ਠੱਗਦੀ।
ਨਵੀਂ ਵਿਆਹੁਲੀ ਨੂੰ ਜਿਉਂ ਕੰਤ।
ਆਈ ਬਸੰਤ..............

ਨਿੱਘ ਸ਼ੁਰੂ ਹੋਈ ਛਟ ਗਿਆ ਪਾਲ਼ਾ।
ਸੋਹਣਾ ਹੋ ਗਿਆ ਆਲ਼ਾ-ਦੁਆਲ਼ਾ।
ਗਰਮੀ ਮਾਰਨ ਲੱਗੀ ਉਛਾਲ਼ਾ।
ਸਰਦੀ ਦਾ ਹੁਣ ਹੋ ਗਿਆ ਅੰਤ।
ਆਈ ਬਸੰਤ...................