ਕੌਡੀ ਬਾਡੀ ਦੀ ਗੁਲੇਲ/ਸੱਚੇ ਬੋਲ

ਵਿਕੀਸਰੋਤ ਤੋਂ
ਨੈਵੀਗੇਸ਼ਨ 'ਤੇ ਜਾਓ ਸਰਚ ਤੇ ਜਾਓ

ਸੱਚੇ ਬੋਲ

ਧਰਤੀ ਸਾਡੀ ਗੋਲ-ਮਟੋਲ।
ਸਦਾ ਹੀ ਬੋਲੋ ਮਿੱਠੇ ਬੋਲ।
ਘੁੰਮੋ ਚਾਹੇ ਦੇਸ਼-ਵਿਦੇਸ਼।
ਯਾਦ ਮਾਂ ਬੋਲੀ ਰੱਖੋ ਹਮੇਸ਼।
ਕੱਟੋ ਹੱਸਕੇ ਭੀੜ-ਸਘੀੜ।
ਆਪਣੀ ਜਾਣੋ ਸਭ ਦੀ ਪੀੜ।
ਰੱਖੋ ਸਭ ਨਾਲ ਮੇਲ-ਸੁਮੇਲ।
ਇੱਛਾਵਾਂ ਨੂੰ ਪਾਓ ਨੁਕੇਲ।
ਰਹੋ ਨਾ ਬਣਕੇ ਗੁੰਨ-ਮਟੁੰਨ।
ਸਫਲ ਬਣਾਉਂਦੀ ਪੱਕੀ ਧੁਨ।
ਖੜੇ ਕਰੋ ਨਾ ਵਾਦ-ਵਿਵਾਦ।
ਰੱਬ ਤੇ ਮੌਤ ਨੂੰ ਰੱਖੋ ਯਾਦ।
ਨਾ ਅਪਣਾਓ ਸੂਰ-ਕਸੂਰ।
ਸਦਾ ਬਦੀ ਤੋਂ ਰਹਿਣਾ ਦੂਰ।
ਕਰੋ ਤਰੱਕੀ ਦਿਨ-ਬ-ਦਿਨ।
ਜ਼ਿੰਦਗੀ ਨਾ ਕੁਸ਼ ਵਿਦਿਆ ਬਿਨ।
ਰੱਖੋ ਨਾ ਮਨ ਵਿੱਚ ਮੈਲ-ਕੁਚੈਲ।
ਸੱਚ ਆਖਦਾ ‘ਚਰਨਾ’ ਰੈਹਲ।