ਪੰਨਾ:ਆਕਾਸ਼ ਉਡਾਰੀ.pdf/62

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਪੇਂਡੂ ਤੇ ਸ਼ਹਿਰੀ ਜੀਵਨ


ਖ਼ਾਲਸਾ ਕਾਲਜ ਦੀ ਪੰਜਾਬੀ ਸੁਸਾਇਟੀ ਦੇ
ਪਹਿਲੇ ਪੰਜਾਬੀ ਦਰਬਾਰ ਵਿਚ ਪੜ੍ਹੀ ਗਈ

ਮੂੰਹ ਵੇਖੀਏ ਸ਼ਹਿਰੀਆਂ ਪੇਂਡੂਆਂ ਦੇ,
ਪਿਆ ਦਿਸਦਾ ਦੋਹਾਂ 'ਚੋਂ ਲਾਲ ਕਿਹੜਾ।
ਕਿਹੜੇ ਮੂੰਹ ਤੇ ਮੱਖੀਆਂ ਬੈਠੀਆਂ ਨੇ,
ਪਲਿਆ ਦੱਧਾਂ ਮਲਾਈਆਂ ਦੇ ਨਾਲ ਕਿਹੜਾ।
ਕਿਹੜੇ ਚਿਹਰੇ ਤੇ ਝੁਰੜੀਆਂ ਦਿਸਦੀਆਂ ਨੇ,
ਵਿਚੋਂ ਦੋਹਾਂ ਦੇ ਦਿਸੇ ਖ਼ੁਸ਼ਹਾਲ ਕਿਹੜਾ।
ਦੁਖ ਰੋਗ ਦੇ ਵਿਚ ਬੇਹਾਲ ਕਿਹੜਾ,
ਖਿੜਿਆ ਖ਼ੁਸ਼ੀ ਦੇ ਨਾਲ ਨਿਹਾਲ ਕਿਹੜਾ।

ਕੋਈ ਵਿਰਲਾ ਹੀ ਦਿਸੇ ਕਮਜ਼ੋਰ ਮੈਨੂੰ,
ਪੇਂਡੂ ਸਾਰੇ ਹੀ ਛੈਲ ਛਬੀਲ ਹੁੰਦੇ।
ਮੋਏ ਮਾਰੇ ਬੀਮਾਰੀਆਂ ਸਾਰੀਆਂ ਦੇ,
ਸ਼ਹਿਰੀ ਦਸਾਂ 'ਚੋਂ ਨੌਂ ਜਮਤੀਲ ਹੁੰਦੇ।

ਸ਼ਹਿਰਾਂ ਵਿਚ ਤਾਂ ਦਿਨ ਵੀ ਰਾਤ ਵਰਗੇ,
ਜਿਥੇ ਧੁੱਪ ਹਵਾ ਨਾ ਲਗਦੀ ਏ।
ਪਿੰਡਾਂ ਵਿਚ ਅਮੀਰ ਗਰੀਬ ਦੇ ਲਈ,
ਸੋਹਣੀ ਹਵਾ ਸਵਰਗ ਦੀ ਵੱਗਦੀ ਏ।

੬੮.