ਇਹ ਸਫ਼ਾ ਪ੍ਰਮਾਣਿਤ ਹੈ
ਕੋਈ ਦੌੜ ਵਿਚੋਂ, ਕੋਈ ਛਾਲ ਵਿਚੋਂ,
ਪਏ ਦਸਦੇ ਖੇਡਾਂ ਦੀ ਸ਼ਾਨ ਪੇਂਡੂ।
ਵਿਦਿਆ, ਸਾਂਇੰਸਾਂ ਵਿਚ ਵੀ ਸੱਚ ਜਾਣੋ,
ਪੇਡੂ, ਸ਼ਹਿਰੀਆਂ ਨਾਲੋਂ ਨਹੀਂ ਘਟ ਹੁੰਦੇ।
ਵਧ ਸ਼ਹਿਰੀਆਂ ਕੋਲੋਂ ਹੁਸ਼ਿਆਰ ਹੁੰਦੇ,
ਨਿਰੇ ਪੂਰੇ ਨਾ ਇਹ ਭੀ ਜਟ ਹੁੰਦੇ।
ਵੇਖੋ ਪੁਛ ਪ੍ਰੋਫ਼ੈਸਰਾਂ ਸਾਰਿਆਂ ਤੋਂ,
ਨਹੀਂ ਲਾਹੌਰ ਪਸ਼ੌਰ ਦੇ ਪਲੇ ਹੋਏ ਨੇ।
ਕੋਈ ‘ਸਯਦ’ ‘ਘੁੰਗ੍ਰੀਲਾ’ ‘ਹਰਿਆਲ’ ਵਾਸੀ,
ਕੋਈ ‘ਢਲੇ ਅਡਿਆਲੇ ਵਿਚ ਢਲੇ ਹੋਏ ਨੇ।
‘ਪਿੰਡੀ ਘੇਬ’ ਘੁੜਾਣੀ ਦੇ ਪਿੰਡ ਵਾਸੀ,
ਨਾਲ ਵਿਦਿਆ ਫੁੱਲ ਤੇ ਫਲੇ ਹੋਏ ਨੇ।
ਪੇਂਡੂ ਵਿਦਿਆ ਦੀ ਬਣ ਮਿਸਾਲ ਦਸਣ,
ਗੱਲਾਂ ਗੱਲਾਂ 'ਚ ਸ਼ਹਿਰੀਏ ਗਲੇ ਹੋਏ ਨੇ।
ਮੁਕਦੀ ਗੱਲ, ਹਰ ਗੱਲ ਵਿਚ ਵਧ ਪੇਂਡੂ,
ਸ਼ੁੱਧ ਆਚਾਰ ਵਾਲੇ ਬੁੱਧ ਬਲ ਵਾਲੇ।
ਉਧਰ ਫ਼ੈਸ਼ਨਾਂ ਦੇ ਚਾਚੇ ‘ਤਾਰਿਆ ਵੇ,
ਸ਼ਹਿਰੀ ਠੱਗੀ ਫ਼੍ਰੇਬ ਤੇ ਛਲ ਵਾਲੇ।
੭੩
