ਇਹ ਸਫ਼ਾ ਪ੍ਰਮਾਣਿਤ ਹੈ
ਮਾਂ ਦਾ ਪਿਆਰ
ਘੜੀ ਸੋਂਵਦੀ ਸੀ ਘੜੀ ਜਾਗਦੀ ਸੀ,
ਕੁੰਡੀ ਖੋਲ੍ਹਦੀ ਸੀ ਘੜੀ ਮਾਰਦੀ ਸੀ।
ਘੜੀ ਘੜੀ ਵੱਲ ਘੜੀ ਦੇ ਵੇਖਦੀ ਸੀ,
ਘੜੀਆਂ ਗਿਣ ਗਿਣ ਰਾਤ ਗੁਜ਼ਾਰਦੀ ਸੀ।
ਕਿਸੇ ਘੜੀ ਸੁਭਾਗ ਦੀ ਆਸ ਅੰਦਰ,
ਘੜੀ ਕਟਦੀ ਉਹ ਇੰਤਜ਼ਾਰ ਦੀ ਸੀ।
ਜਾਗ ਜਾਗ ਗੁਜ਼ਾਰੀ ਸੀ ਰਾਤ ਸਾਰੀ,
ਮਾਰੀ ਖ਼ਬਰੇ ਉਹ ਕਿਸ ਦੇ ਪਿਆਰ ਦੀ ਸੀ।
ਉਹ ਕੌਣ ਸੀ? ਕਿਸ ਨੂੰ ਉਡੀਕਦੀ ਸੀ?
ਪਈ ਹੋਂਵਦੀ ਇੱਡੀ ਬੇਚੈਨ ਕਿਉਂ ਸੀ?
ਦੁੱਖ ਕਿਸ ਦੇ ਵਿਛੋੜੇ ਦੇ ਝਾਗ ਰਹੀ ਸੀ,
ਕੱਟਦੀ ਅੱਖੀਆਂ ਦੇ ਅੰਦਰ ਰੈਨ ਕਿਉਂ ਸੀ?
ਦਿਲੋਂ ਸਮਝਿਆ ਕਿਸੇ ਦੀ ਭੈਣ ਹੋਸੀ,
ਪਿਆਰਾ ਵਿਛੜਿਆ ਏਸ ਦਾ ਵੀਰ ਕੋਈ।
ਯਾ ਕਿ ਪ੍ਰੀਤਮ ਪਿਆਰੇ ਦੀ ਯਾਦ ਅੰਦਰ,
ਸਹਿ ਰਹੀ ਵਿਛੋੜੇ ਦੇ ਤੀਰ ਕੋਈ।
ਯਾ ਕਿ 'ਰਾਂਝੇ' ਨੂੰ ਪਈ ਉਡੀਕਦੀ ਸੀ,
ਬੈਠੀ ਵਿਚ ਵਿਯੋਗ ਦੇ 'ਹੀਰ' ਕੋਈ।
੮੮.