ਪੰਨਾ:ਇਨਕਲਾਬ ਦੀ ਰਾਹ.pdf/64

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਅੰਬਰ ਤੈਨੂੰ ਕਰਨ ਇਸ਼ਾਰੇ;
ਝਿਲ-ਮਿਲ ਕਰ ਕੇ ਸੱਦਣ ਤਾਰੇ।
ਇਹ ਟਾਹਣੀ ਏਕਮ ਦੇ ਚੰਨ ਦੀ,
ਤੈਨੂੰ ਰਹੀ ਪੁਕਾਰ।
ਪੰਛੀ!
ਛਡ ਪਿੰਜਰੇ ਦਾ ਪਿਆਰ।

ਵਸਦੇ ਨੇ ਅਸਮਾਨ ਇਹਨਾਂ ਵਿਚ,
ਬੰਦ ਕਈ ਤੂਫ਼ਾਨ ਇਹਨਾਂ ਵਿਚ।
ਦੋਹਾਂ ਖੰਭਾਂ ਦੇ ਅੰਦਰ ਰਬ ਨੂੰ-
ਕਾਠ ਦਿੱਤਾ ਈ ਮਾਰ।
ਪੰਛੀ!
ਛਡ ਪਿੰਜਰੇ ਦਾ ਪਿਆਰ।

ਖੰਭ ਬਣੇ ਅਸਮਾਨਾਂ ਜੋਗੇ।
ਇਹ ਨਹੀਂਓਂ ਜ਼ਿੰਦਾਨਾ ਜੋਗੇ।
ਤੇਰੇ ਖੰਭੜਾਟਾਂ ਦੀ ਛਾਂ ਨੂੰ।
ਸਹਿਕ ਰਿਹੈ ਗੁਲਜ਼ਾਰ।
ਪੰਛੀ!
ਛਡ ਪਿੰਜਰੇ ਦਾ ਪਿਆਰ।

੫੮