ਪੰਨਾ:ਏਸ ਜਨਮ ਨਾ ਜਨਮੇ - ਸੁਖਪਾਲ.pdf/32

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਏਥੇ ਹੀ ਹੈ

ਪੋਹ ਮਾਘ ਦੀ ਸੁੱਤੀ ਬਰਫ
ਜਾਗ ਪਈ ਹੁਣ ਪੰਘਰ ਗਈ
ਆਉਣ ਆਉਣ ਨੂੰ ਕਰਦਾ ਸੂਰਜ
ਆ ਹੀ ਢੱਕਿਆ
ਸੂਰਜ ਦੇ ਗਲ ਲੱਗਾ
ਘਾਹ ਮੁੜ ਹਰਾ ਹੋ ਗਿਆ
ਔਸ ਤਲਾਅ ਤੇ ਆਣ ਉਤਰਿਆ
ਪਰਵਾਸੀ ਪੰਛੀ ਦਾ ਜੋੜਾ
ਸਾਮ੍ਹਣੇ ਰਹਿੰਦਾ 'ਕੱਲ੍ਹਾ ਬੁੱਢਾ
ਵਰ੍ਹੇ ਛਿਮਾਹੀਂ ਮਿਲਣੇ ਵਾਲੇ ਪੁੱਤ ਪੋਤੀ ਲਈ
ਘਰ ਨੂੰ ਹੂੰਝੇ
ਪਿਛਲੀ ਰੁੱਤੇ ਵਿਧਵਾ ਹੋ ਗਈ ਕੁੜੀ ਨੇ
ਖੋਲ੍ਹੀ ਫੇਰ ਕਿਤਾਬ
ਅੱਜ ਵੀ ਕਿਧਰੇ ਜੰਗ ਲੱਗੀ
ਲੋਕ ਮਰ ਰਹੇ
ਜਿਉਂਦੇ ਰਹਿਣ ਨੂੰ ਲੜ ਵੀ ਰਹੇ...

ਹੱਥੋਂ ਛੁੱਟਿਆ
ਜੀਣ ਦਾ ਵੇਲਾ
ਏਥੇ ਹੀ ਸੀ

ਅੱਜ ਮੁੜ ਲੱਭਾ...

(28)