ਇਹ ਸਫ਼ਾ ਪ੍ਰਮਾਣਿਤ ਹੈ
ਤੈਂ ਖੌਂਫ ਨਾ ਕੀਤੋ ਸਾਈਂ ਦਾ।
ਹੁਣ ਕੈ ਥੇ ਆਪ ਛੁਪਾਈ ਦਾ।
ਕਹੂੰ ਸ਼ੇਖ ਮੁਸਾਇਕ ਹੋਨਾਂ ਹੈ।
ਕਹੁ ਉਦਿਆਨੀ ਬੈਠਾ ਰੋਨਾ ਹੈ।
ਤੇਰਾ ਅੰਤ ਨਾ ਕਹੂੰ ਪਾਈਦਾ।
ਹੁਣ ਕੈ ਥੇ ਆਪ.....
ਬੁੱਲ੍ਹੇ ਨਾਲੋਂ ਚੁੱਲ੍ਹਾ ਚੰਗਾ
ਜਿਸ ਤੇ ਤਾਅਮ ਪਕਾਈਦਾ
ਰਲ ਫਕੀਰਾਂ ਮਜਲਿਸ ਕੀਤੀ।
ਭੋਰਾ-ਭੋਰਾ ਖਾਈਦਾ
ਹੁਣ ਕੈ ਥੇ ਆਪ ਛੁਪਾਈ ਦਾ।
ਕੌਣ ਆਇਆ ਪਹਿਨ ਲਿਬਾਸ ਕੁੜੇ
ਕੌਣ ਆਇਆ ਪਹਿਨ ਲਿਬਾਬ ਕੁੜੇ।
ਤੁਸੀਂ ਪੁੱਛੋ ਨਾਲ ਇਖਲਾਸ ਕੁੜੇ।
ਹੱਥ ਖੂੰਡੀ ਮੋਢੇ ਕੰਬਲ ਕਾਲਾ।
ਅੱਖੀਆਂ ਦੇ ਵਿੱਚ ਵਸੇ ਉਜਾਲਾ।
ਚਾਕ ਨਹੀਂ ਕੋਈ ਹੈ ਮਤਵਾਲਾ।
ਪੁੱਛੋ ਬਿਠਾ ਕੇ ਪਾਸ ਕੁੜੇ।
ਚਾਕਰੇ ਚਾਕਾ ਨਾ ਇਸਨੂੰ ਆਖੋ।
ਇਹ ਨਾ ਖਾਲੀ ਗੁੱਲੜੀ ਘਾਤੋਂ।
ਵਿਛੜਿਆ ਹੋਇਆ ਪਹਿਲੀ ਰਾਤੋਂ।
ਆਇਆ ਕਰਨ ਤਲਾਸ਼ ਕੁੜੇ।
97
