ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/169

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਸਹੁਣੀ ਸੂਰਤ ਦਾ-
ਵਿੱਚ ਕੱਲਰਾਂ ਦੇ ਵਾਸਾ
512
ਜੰਮ ਦਖਾਈ ਦੇਂਦੇ
ਜਦੋਂ ਜੰਮ ਦਖਾਈ ਦੇਂਦੇ
ਕੁੱਤਾ ਉਦੋਂ ਭੌਂਕੇ
ਬੰਦਿਆ ਉਠ ਖੜ ਤੂੰ-
ਕਾਹਨੂੰ ਲਾਉਨੈਂ ਢੌਂਕੇ।
513
ਕੌਣ ਕਰੂਗਾ ਰਾਖੀ
ਨੰਦ ਕੁਰ ਚੰਦ ਕੁਰ ਦੋਨੋਂ ਭੈਣਾਂ
ਕੱਢਣ ਕਸੀਦਾ
ਕੋਲ ਖੜੀ ਪਰਤਾਪੀ
ਕੱਤਣਾ ਨਾ ਜਾਣੇ ਤੁੰਬਣਾ ਨਾ ਜਾਣੇ
ਲਾਉਣ ਨਾ ਜਾਣੇ ਟਾਕੀ
ਐਸ ਪਟੋਲੇ ਦੀ-
ਕੌਣ ਕਰੂਗਾ ਰਾਖੀ
514
ਲੱਛੀ ਪੁੱਛੇ ਬੰਤੋ ਨੂੰ
ਤੇਰੀ ਕੈ ਮੁੰਡਿਆਂ ਨਾਲ ਯਾਰੀ
ਇੱਕ ਯਾਰ ਦੁਧ ਰਿੜਕੇ
ਦੂਜਾ ਧਰੇ ਤਰਕਾਰੀ
ਤੀਜੇ ਨੇ ਦਾਲ ਧਰਤੀ
ਗਰਮ ਮਸਾਲਿਆਂ ਵਾਲੀ
ਚੌਥਾ ਯਾਰ ਪਕਾਵੇ ਰੋਟੀਆਂ
ਪੰਜਵਾਂ ਕਰੇ ਬੁਹਾਰੀ
ਏਸ ਜੁਆਨੀ ਨੇ-
ਪਟਤੀ ਦੁਨੀਆਂ ਸਾਰੀ
515
ਤੇਰਾ ਕਦ ਮੁਕਲਾਵਾ
ਨਿੱਕੀ ਨਿੱਕੀ ਕਣੀ ਦਾ ਮੀਂਹ ਵਰਸੇਂਦਾ
ਚੂਲੀ ਚੂਲੀ ਢਾਬ ਭਰੀ
ਤੇਰਾ ਕਦ ਮੁਕਲਾਵਾ ਭਾਗ ਪਰੀ

165