ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
939
ਚਿੱਠੀ ਇਕ ਨਾ ਦਰਦ ਦੀ ਆਈ,
ਕਾਗਤਾਂ ਦਾ ਰੁੱਗ ਆ ਗਿਆ
940
ਚਿੱਠੀ ਕਿਹੜੇ ਹੌਸਲੇ ਪਾਵਾਂ
ਦੇਮੇਂ ਨਾ ਜਵਾਬ ਸੁਹਣੀਏਂ
941
ਕਾਗਜ਼ਾਂ ਨਾਲ ਘਰ ਭਰਤਾ
ਕਦੇ ਆਉਣ ਦੀ ਚਿੱਠੀ ਨਾ ਪਾਈ
942
ਹਾਰ ਜਾਏਂ ਜਰਮਨੀਆਂ
ਮੇਰਾ ਸਿੰਘ ਕੈਦ ਜਿਨ ਕੀਤਾ
943
ਕੈਦਾਂ ਉਮਰ ਦੀਆਂ
ਕੰਤ ਜਿਨ੍ਹਾਂ ਦੇ ਨੌਕਰ
944
ਵਹੁਟੀ ਨੌਕਰ ਦੀ
ਅੱਗ ਬਾਲ਼ ਕੇ ਧੂਏਂ ਦੇ ਪੱਜ ਰੋਵੇ
945
ਭਿੱਜ ਗਿਆ ਲਾਲ ਪੰਘੂੜਾ
ਰਾਤੀਂ ਰੋਂਦੀ ਦਾ
946
ਮਾਹੀ ਮੇਰਾ ਲਾਮ ਨੂੰ ਗਿਆ
ਮੇਰੇ ਬੱਜਣ ਕਲੇਜੇ ਛੁਰੀਆਂ
947
ਕਿਤੇ ਸੁਖ ਦਾ ਸੁਨੇਹਾ ਘਲ ਵੇ
ਮੁੱਦਤਾਂ ਗੁਜ਼ਰ ਗੀਆਂਂ
948
ਬੱਦਲਾਂ ਨੂੰ ਦੇਖ ਰਹੀ
ਮੈਂ ਤੇਰਾ ਸੁਨੇਹਾ ਪਾ ਕੇ
949
ਸੁੱਤੀ ਪਈ ਨੂੰ ਹਿਚਕੀਆਂ ਆਈਆਂ
ਮਿੱਤਰਾਂ ਨੇ ਯਾਦ ਕਰੀ
284
