ਇਹ ਸਫ਼ਾ ਪ੍ਰਮਾਣਿਤ ਹੈ
697
ਤੇਰੇ ਲੌਂਗ ਦੀ ਚਾਨਣੀ ਮਾਰੇ
ਪੱਲਾ ਲੈ ਲੈ ਗੋਰੀਏ ਰੰਨੇ
698
ਤੀਲੀ ਲੌਂਗ ਵਾਲੀਏ ਰੰਨੇ
ਤੇਰਾ ਟਮਕ ਅਵਾਜ਼ਾਂ ਮਾਰੇ
699
ਤੀਲੀ ਲੌਂਗ ਦਾ ਮੁਕੱਦਮਾ ਭਾਰੀ
ਠਾਣੇਦਾਰਾ ਸੋਚ ਕੇ ਕਰੀਂ
700
ਤੀਲੀ ਰੁਸ ਕੇ ਪਹੇ ਦੇ ਵਿਚ ਬਹਿ ਗੀ
ਲੌਂਗ ਪਿਆ ਮਿੰਨਤਾਂ ਕਰੇ
701
ਨੱਕ ਦੀ ਜੜ ਪੱਟ ਲੀ
ਪਾ ਕੇ ਲੌਂਗ ਬਗਾਨਾ
702
ਪਤਲੀ ਨਾਰ ਦਾ ਗਹਿਣਾ
ਲੌਂਗ ਤਵੀਤੜੀਆਂ
703
ਮਰਜ਼ੀ ਮਾਲਕ ਦੀ
ਤੀਲੀ ਭੰਨ ਕੇ ਲੌਂਗ ਬਣਾਇਆ
704
ਲੌਂਗ ਤੇਰੀਆਂ ਮੁੱਛਾਂ ਦੇ ਵਿਚ ਰੁਲਿਆ
ਟੋਲ਼ ਕੇ ਫੜਾ ਦੇ ਮਿੱਤਰਾ
705
ਲੌਂਗ ਤੇਰੀਆਂ ਮੁੱਛਾਂ 'ਚੋਂ ਲੱਭਿਆ
ਚਾਰ ਦਿਨ ਭਾਲਦੀ ਰਹੀ
706
ਲੌਂਗ ਮੰਗਦੀ ਬੁਰਜੀਆਂ ਵਾਲ਼ਾ
ਨੱਕ ਤੇਰਾ ਹੈ ਨੀ ਪੱਠੀਏ
707
ਲੌਂਗ ਵਾਲ਼ੀ ਨੇ ਭਨਾ ਲਏ ਗੋਡੇ
ਤੀਲੀ ਵਾਲ਼ੀ ਖਾਲ਼ ਟੱਪਗੀ
98:: ਗਾਉਂਦਾ ਪੰਜਾਬ