ਇਹ ਸਫ਼ਾ ਪ੍ਰਮਾਣਿਤ ਹੈ
885
ਹਾਣ ਦਾ ਮੁੰਡਾ ਨਾ ਥਿਆਇਆ
ਨਗਰਾਂ 'ਚ ਹਨ੍ਹੇਰ ਪੈ ਗਿਆ
886
ਮੁੰਡਾ ਰੰਗ ਦਾ ਸੁਣੀਂਦਾ ਕਾਲ਼ਾ
ਧੋਬੀਆਂ ਦੇ ਸੁਟਣਾ ਪਿਆ
887
ਕਾਲ਼ਾ ਵਰ ਲੱਭਾ ਮਾਪਿਆਂ
ਉਹਨੂੰ ਸੁਰਮਾਂ ਬਣਾ ਕੇ ਪਾਵਾਂ
888
ਮੈਂ ਚੋਬਰੀ ਤੇ ਕੰਤ ਨਿਆਣਾ
ਰੱਬ ਵੈਰੀ ਹੋਇਆ ਕੁੜੀਓ
889
ਵੇ ਮੈਂ ਤੂਤ ਦੀ ਛਟੀ
ਗਲ਼ ਰੀਠੜੇ ਜਹੇ ਦੇ ਲਾਈ
890
ਧੁੱਪ ਵਾਂਗੂੰ ਚਮਕਦੀਏ
ਤੇਰੇ ਯਾਰ ਦਾ ਸੁਣੀਂਦਾ ਰੰਗ ਕਾਲ਼ਾ
891
ਉਖਲੀ ਭਰਾ ਲੀ ਬਾਬਲਾ
ਮੇਰੇ ਰੂਪ ਦੀ ਪਰਖ ਨਾ ਕੀਤੀ
892
ਮੇਰੇ ਖਾ ਗਿਆ ਹੱਡਾਂ ਨੂੰ ਝੋਰਾ
ਕੰਤ ਨਿਆਣੇ ਦਾ
893
ਬੇਈਮਾਨ ਮੁਕਰ ਗੇ ਮਾਪੇ
ਮੰਗ ਸੀ ਮੈਂ ਤੇਰੀ ਪੂਰਨਾ
894
ਚਿੱਟੇ ਚਾਦਰੇ ਜਿਨ੍ਹਾਂ ਨੇ ਪੁੰਨ ਕੀਤੇ
ਰੱਬ ਨੇ ਮਲਾਈਆਂ ਜੋੜੀਆਂ
890
ਘਰ ਦੇਖਿਆ ਨਾ ਸ਼ੁਕੀਨਾ ਤੇਰਾ
ਦੇਖੀ ਤੇਰੀ ਗੋਲ ਪਿੰਜਣੀ
120:: ਗਾਉਂਦਾ ਪੰਜਾਬ
