ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
1126
ਤੇਰੀ ਚੰਦਰੀ ਨੀਤ ਨੂੰ ਕੁੜੀਆਂ
ਘਰ ਘਰ ਪੁੱਤ ਜੰਮਦੇ
1127
ਲੋਈ ਵੇਚ ਕੇ ਸੰਗਤਰੇ ਲਿਆਇਆ
ਖਾਤਰ ਪੁੰਨਾ ਦਈ ਦੀ
1128
ਯਾਰੀ ਤੋੜ ਗਏ ਬੱਕਰੀਆਂ ਵਾਲੇ
ਪੰਜਾਂ ਦੇ ਤਵੀਤ ਬਦਲੇ
1129
ਪੰਜਾਂ ਦੇ ਤਵੀਤ ਬਦਲੇ
ਮੁੰਡਾ ਛੱਡ ਗਿਆ ਗਲੀ ਦਾ ਖਹਿੜਾ
1130
ਦਾਣੇ ਚੱਬ ਕੇ ਰੰਡੀ ਨੇ ਪੁੱਤ ਪਾਲਿਆ
ਢਾਂਗੇ ਵਾਲਾ ਲੈ ਗਿਆ ਪੱਟ ਕੇ
1131
ਲਾਮਾਂ ਲੱਗੀਆਂ ਪੁਆੜੇ ਪਾਏ
ਭੁੱਖ ਨੰਗ ਵਰਤ ਗਈ
1132
ਬਾਣੀਆਂ ਨੇ ਅੱਤ ਚੱਕ ਲੀ
ਸਾਰੇ ਜੱਟ ਕਰਜ਼ਾਈ ਕੀਤੇ
ਜੱਟਾ ਤੇਰੀ ਜੂਨ ਬੁਰੀ
ਸੁੱਕੀ ਰੋਟੀ ਤੇ ਛੱਪੜ ਦਾ ਪਾਣੀ
ਗੱਡੇ ਭਰ ਕੇ ਕਪਾਹ ਦੇ ਵੇਚੇ
ਮਲਮਲ ਗਜ਼ ਨਾ ਮਿਲੀ
ਰੱਬਾ ਜੱਟ ਦੀ ਜੂਨ ਨਾ ਪਾਈਂ
ਮਿੱਟੀ ਵਿਚ ਪਊ ਰੁਲਣਾ
ਕਿਹੜੇ ਰੱਬ ਦੇ ਕੀਰਨੇ ਪਾਵਾਂ
ਪਿੰਡ ਵਿਚ ਕਾਲ ਪੈ ਗਿਆ
ਗਾਉਂਦਾ ਪੰਜਾਬ :: 149
