ਇਹ ਸਫ਼ਾ ਪ੍ਰਮਾਣਿਤ ਹੈ
552
ਕਿਤੇ ਟੱਕਰੇਂ ਤਾਂ ਹਾਲ ਸੁਣਾਵਾਂ
ਦੁੱਖਾਂ ਵਿਚ ਪੈ ਗੀ ਜਿੰਦੜੀ
553
ਘਰ ਦੇ ਕੰਤ ਬਿਨਾਂ
ਕੌਣ ਦੁੱਖਾਂ ਦਾ ਸੀਰੀ
554
ਰੋਂਦੀ ਯਾਰ ਦੇ ਸਿਵੇ ਨੂੰ ਜਾਵੇ
ਖੁੱਲ੍ਹੀਆਂ ਬਾਬਰੀਆਂ
555
ਨਾ ਰੋ ਧੀਏ ਸੱਸੀਏ
ਪੁੰਨੂੰ ਵਰਗੇ ਬਲੋਚ ਬਥੇਰੇ
556
ਐਵੇਂ ਅੱਖੀਆਂ 'ਚੋਂ ਨਾ ਨੀਰ ਵਹਾਈਏ
ਚਿੱਤ ਨੂੰ ਟਿਕਾਣੇ ਰੱਖੀਏ
557
ਮੁੰਡੇ ਰੋਂਦੇ ਨੇ ਰੁਮਾਲੀਆਂ ਵਾਲ਼ੇ
ਨੰਦ ਕੁਰ ਰੇਲ ਚੜ੍ਹਗੀ
558
ਤੈਨੂੰ ਕੀ ਮੁਕਲਾਵਾ ਤਾਰੂ
ਰੋਂਦੇ ਯਾਰ ਛੱਡ ਗੀ
559
ਜਿੰਦ ਜਾਨ ਵੇ ਸੁਰਤ ਵਿਚ ਤੇਰੇ
ਲੋਕਾਂ ਭਾਣੇ ਦੂਰ ਵੱਸਦੀ
560
ਦੁਨੀਆ ਲੱਖ ਵੱਸਦੀ
ਸਾਨੂੰ ਮਿੱਤਰਾਂ ਬਾਝ ਹਨੇਰਾ
561
ਸਾਨੂੰ ਮਿੱਤਰਾਂ ਬਾਝ ਹਨੇਰਾ
ਚੰਦ ਭਾਮੇਂ ਨਿੱਤ ਚੜ੍ਹਦਾ
562
ਰੱਬ ਵਰਗਾ ਆਸਰਾ ਤੇਰਾ
ਜਿਊਂਦਾ ਰਹਿ ਮਿੱਤਰਾ
ਗਾਉਂਦਾ ਪੰਜਾਬ:: 83
