ਪੰਨਾ:ਤਲਵਾਰ ਦੀ ਨੋਕ ਤੇ.pdf/16

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਗੰਗਸਰ ਨਨਕਾਣੇ ਦੇ ਵਿਚ ਜਾ ਕੇ,

ਰੱਖ ਸ਼ਾਂਤੀ ਗੋਲੀਆਂ ਖਾ ਗਏ ਜੇ ।

ਨੈਣੂ ਜਹੇ ਚੰਡਾਲ ਜੋ ਅਤਿ ਪਾਪੀ,

ਜ਼ਿੰਦਾ ਭਠੀਆਂ ਵਿਚ ਜਲਾ ਗਏ ਜੇ ।

ਕਈ ਨਾਲ ਜੰਡੋਰਿਆਂ ਬੰਨ੍ਹ ਬੰਨ੍ਹ ਕੇ,

ਸੀਸ ਛਵੀਆਂ ਨਾਲ ਵਢਾ ਗਏ ਜੇ ।

ਕਿਤੇ ਨਾਲ ਸੰਗੀਨਾਂ ਦੇ ਵਿੰਨ੍ਹ ਦਿਤੇ,

ਜੀਉਂਦੇ ਭਠੀਆਂ ਦੇ ਵਿਚ ਪਾ ਗਏ ਜੇ ।

ਕਰੀਏ ਯਾਦ ਉਹ ਸਬਕ ਕੁਰਬਾਨੀਆਂ ਦੇ,

ਵਾਹ ਵਾਹ ਹਿੰਦ ਵਿਚ ਪੂਰਨੇ ਪਾ ਗਏ ਜੇ ।

ਬੈਂਤ ਖਾ ਕੇ ਖਲਾਂ ਉਧੜਾ ਲੀਤੀ,

ਕਿਤੇ ਛਪੜਾਂ ਵਿਚ ਗੋਤੇ ਖਾ ਗਏ ਜੇ ।

ਭਾਣਾ ਮੰਨ ਕੇ ਖੰਡ ਤੋਂ ਵਧ ਮਿੱਠਾ,

ਮੁਖੋਂ ਏਕਤਾ ਵਾਕ ਅਲਾ ਗਏ ਜੇ ।

ਵਾਰ ਸੀਸ ਨਾ ਰਤਾ ਭੀ ਸੀ ਕੀਤੀ,

ਸਤਿ ਸ੍ਰੀ ਅਕਾਲ ਬੁਲਾ ਗਏ ਜੇ।

ਧੰਨ ਧੰਨ ਸਿਖੀ ਧੰਨ ਗੁਰੂ ਜੀਓ,

ਜੇਹੜੇ ਗਿਦੜੋੋਂ ਸ਼ੇਰ ਬਣਾ ਗਏ ਜੇ ।

ਰਹੀਂ ਤਕੜਾ 'ਵੀਰ' ਨਾ ਰਤਾ ਡੋਲੀਂ,

ਦਿਨ ਫੇਰ ਅਜ਼ਮੈਸ਼ ਦੇ ਆ ਗਏ ਜੇ ।

-O-


-੧੨-