ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੨੧੪ )
ਜਮਾਦਾਰ:-ਸੁਕਰਾਤ ਜੀ, ਤੁਸੀਂ ਸੱਚੇ ਓ । ਇਹ ਤਾਂ ਸੱਚ ਮੁੱਚ ਖਜਾਨਾ ਏ । ਮੈਨੂੰ ਤਾਂ ਹੁਣ ਸੱਚ ਮੁੱਚ ਖਜਾਨਾ ਹੱਥ ਆ ਗਿਆ ਏ ।
ਸੁਕਰਾਤ:-ਤੁਸੀ ਜ਼ਿਮੀਂਦਾਰੇ ਬੰਕ ਦੇ ਮਿੰਬਰ ਵੀ ਓ ?
ਜਮਾਦਾਰ:-ਆਹੋ ਜੀ, ਜਦੋਂ ਤੁਸੀ ਮੈਨੂੰ ਮੱਤ ਦਿੱਤੀ ਸੀ ਮੈਂ ਓਦੋਂ ਈ ਮਿੰਬਰ ਬਣ ਗਿਆ ਸਾਂ।
ਸੁਕਰਾਤ:-ਤਾਂ ਜੋ ਰੁਪਿਆ ਤੁਹਾਨੂੰ ਆਪਣੇ ਫਸਲ ਵੇਚ ਕੇ ਤੇ ਪਿਨਸ਼ਨ ਤੋਂ ਬਚਦਾ ਏ ਤੁਸੀ ਸਾਰਾ ਬੰਕ ਵਿੱਚ ਈ ਜਮ੍ਹਾਂ ਕਰਾਂਦੇ ਹੋਵੋਗੇ ?
ਜਮਾਦਾਰ:-ਆਹੋ ਜੀ ।
ਸੁਕਰਾਤ:-ਤੇ ਹੋਰ ਜੇਹੜਾ ਡੰਗਰ ਵੇਚਣ ਤੋਂ ਬਚਦਾ ਏ ਓਹ ਵੀ ?
ਜਮਾਦਾਰ:-ਆਹੋ ਜੀ ।
ਸੁਕਰਾਤ:-ਤੇ ਸਾਰਾ ਰੁਪਿਆ ਜੇਹੜਾ ਕਿਧਰੋਂ ਤੁਹਾਡੇ ਹੱਥ ਆਉਂਦਾ ਏ, ਓਹ ਵੀ ?
ਜਮਾਦਾਰ:-ਆਹੋ ਜੀ ।
ਸੁਕਰਾਤ:-ਤੁਸੀ ਹੁਣ ਗਹਿਣਿਆਂ ਤੇ ਤਾਂ ਕੋਈ ਰੁਪਿਆ ਨਹੀਂ ਲਾਂਦੇ ?
ਜਮਾਦਾਰ:-ਹੀਂ ਜੀ ।
