ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੯ )
ਜ਼ਿਮੀਦਾਰ:-ਜੀ, ਅਸੀ ਲੋਕ ਗਰੀਬ ਹਾਂ, ਸਾਡੇ ਕੋਲੋਂ ਏਹਾ ਜਹੀਆਂ ਚੀਜ਼ਾਂ ਨਹੀਂ ਲਈਆਂ ਜਾਂਦੀਆਂ।
ਸੁਕਰਾਤ:-ਵੇਖੋ, ਤੁਸਾਂ ਕੰਨਾਂ ਵਿੱਚ ਬੀਰਬਲੀਆਂ ਪਾਈਆਂ ਹੋਈਆਂ ਨੇ ਤੇ ਤੁਹਾਡੇ ਮੁੰਡੇ ਹੱਥੀਂ ਕੜੇ ਪਾਈ ਫਿਰਦੇ ਨੇ, ਕੀ ਏਹ ਤਾਪ ਨੂੰ ਡੱਕ ਸਕਦੇ ਨੇ?
ਜ਼ਿਮੀਦਾਰ:-ਨਹੀਂ ਜੀ!
ਸੁਕਰਾਤ:-ਕੀ ਇਹ ਗੱਲ ਚੰਗੀ ਨ ਹੋਵੇਗੀ ਕਿ ਤੁਸੀ ਏਹਨਾਂ ਟੂਮਾਂ ਦੀ ਥਾਂ ਮੱਛਰਦਾਨੀਆਂ ਲੈ ਲਓ?
ਜ਼ਿਮੀਦਾਰ:-ਜੀ, ਗੱਲ ਤਾਂ ਠੀਕ ਏ!
ਸੁਕਰਾਤ:-ਤੁਸੀ ਆਪਣੇ ਵਾਲਾਂ ਨੂੰ ਪਿਆਰ ਕਰਦੇ ਓ?
ਜ਼ਿਮੀਦਾਰ:-ਜੀ ਕਿਉਂ ਨਹੀਂ?
ਸੁਕਰਾਤ:-ਤਾਂ ਫੇਰ ਦੱਸੋ ਕਿ ਤੁਸੀ ਗਹਿਣਿਆਂ ਤੋਂ ਬਗੈਰ ਨਰੋਏ ਤੇ ਅਰੋਗ ਬਾਲ ਨੂੰ ਪਸੰਦ ਕਰੋਗੇ ਜਾਂ ਗਹਿਣਿਆਂ ਵਾਲੇ ਰੋਗੀ ਬਾਲ ਨੂੰ?
ਜ਼ਿਮੀਦਾਰ:- ਜੀ ਨਰੋਏ ਨੂੰ।
ਸੁਕਰਾਤ:-ਤਾਂ ਕੀ ਫੇਰ ਇੱਕ ਮੱਛਰਦਾਨੀ ਕੜਿਆਂ ਜਾਂ ਮੁਰਕੀਆਂ ਨਾਲੋਂ ਚੰਗੀ ਨ ਹੋਈ?
ਜ਼ਿਮੀਦਾਰ:-ਕਿਉਂ ਨਹੀਂ ਜੀ?
