بھومکا
جدوں کسے بولی اینی امیر شبداولی نہ ہووے کہ اوس بولی دا لکھاری بنا کسے رکاوٹ توں آپݨے ہاو بھاو ٹھیک ٹھیک ارتھاں وچ اوس بولی دے شبداں راہیں پرگٹا سکے تاں کُدرتی گل ہے کہ لکھاری نوں اوس بولی وچ لکھݨ لئی جاں تاں اُپ بولیان توں سہایتا لیݨی پیندی ہے تے جاں پھیر کسے دوجی بولی توں شبد اُدھارے لیݨے پیندے ہن۔ ایس طرح اسیں کہہ سکدے ہاں کہ اک بولی دا آپݨیاں اُپ بولیاں نال ڈونگھا سبندھ ہندا ہے اتے اُپ بولیاں آپݨی ٹکسالی بولی وچ اجیہے شبداں دا وادھا کردیاں ہن جیہڑے کہ اوس وچ ملدے نہ ہوݨ پر اونہاں دا ہوݨا بڑا ضروری موقع ملݨ ہووے۔ اُپ بولی دے اجیہے شبداں دی وشیشتا کرکے ایہہ این سنبھو ہندا ہے کہ مناسب تے اجیہی اُپ بولی اک بولی دا روپ دھارن کر لووے۔ ہر امیر اتے پرماݨیک بولی جنم ہی آپݨیاں اُپ بولیاں وچوں لیندی ہے۔ اوہ اُپ بولی جو ٹکسالی جاں پرماݨیک بولی دا روپ دھارن کردی ہے آپݨا نجی اُپ بھاشائی گݨ، جیہڑا کہ اوس دیاں اُچارن بھید دیاں ستھانک مانجھیاں وشیشتائیاں کرکے ہندا پے، تیاگ کے ہی اجیہا کجھ کر سکدی ہے۔ ٹکسالی بولی نوں اجہا روپ دیݨ وچ چوکھا ہتھ اُپ بولیاں دا ہی ہندا ہے، کیوںکہ سمیں سمیں سر لوڑ پیݨ تے ایہہ اُپ بولیاں ہی ٹکسالی بولی نوں لوڑیندے شبد دندیاں ہن۔
