ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
102
ਸਸੀ ਨਾਮ ਕੋ ਲੇਤ ਹੀ ਸਸਕ ਲੋਭ ਸੁਖ ਸਾਜ॥
ਪੰਛੀ ਬੋਲੇ ਇਹ ਬਾਤ ਕਿਸ ਪ੍ਰਕਾਰ ਹੈ?
ਕਾਗ ਬੋਲਿਆ ਸੁਨੋ:–
॥੧–ਕਥਾ॥
ਕਿਸੇ ਬਨ ਵਿਖੇ ਚਤੁਰਵੰਤ ਨਾਮੀ ਹਾਥੀਆਂ ਦਾ ਰਾਜਾ ਰਹਿੰਦਾ ਸੀ, ਇਕ ਸਮੇਂ ਉਸ ਜਗਾਂ ਬੜੀ ਭਾਰੀ ਅਨ ਬ੍ਰਿਸ਼ਟਿ ਬਹੁਤ ਬਰਸਾਂ ਦੀ ਹੋਈ, ਇਸ ਲਈ ਤਲਾ, ਛੱਪੜ, ਟੋਬੇ ਸਭ ਸੁੱਕ ਗਏ, ਤਦ ਸਾਰਿਆਂ ਨੇ ਉਸ ਗਜਰਾਜ ਨੂੰ ਕਿਹਾ ਹੈ ਪ੍ਰਭੋ! ਪਿਆਸ ਦੇ ਮਾਰੇ ਕਈ ਹਾਥੀਆਂ ਦੇ ਬੱਚੇ ਮਰ ਗਏ ਹਨ, ਅਰ ਕਈ ਮਰਨ ਵਾਲੇ ਪਏ ਹਨ, ਸੋ ਹੇ ਸ੍ਵਾਮਿ! ਕੋਈ ਤਲਾ ਢੂੰਡਨਾ ਚਾਹੀਏ ਜਿਸ ਕਰਕੇ ਸਭਨਾਂ ਨੂੰ ਸੁਖ ਹੋਵੇ। ਬੜੀ ਦੇਰ ਤੀਕੂੰ ਸੋਚ ਕੇ ਗਜਰਾਜ ਨੇ ਆਖਿਆ ਕਿ ਬੜੇ ਭਾਰੇ ਜੰਗਲ ਵਿਖੇ ਇਕ ਬੜਾ ਭਾਰੀ ਤਲਾ ਹੈ ਜੋ ਪਤਾਲ ਦੇ ਪਾਣੀ ਨਾਲ ਮਿਲਿਆ ਹੋਯਾ ਹੈ, ਸੋ ਉੱਥੇ ਚਲੋ। ਇਸ ਬਾਤ ਨੂੰ ਸੁਨਕੇ ਸਾਰੇ ਹਾਥੀ ਤੁਰ ਪਏ ਅਰ ਪੰਜਾਂ ਦਿਨ
