ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
(੨੬੨)
ਇਹ ਮਿੱਠੀਆਂ ਮਿੱਠੀਆਂ ਗੱਲਾਂ ਸੁਣਕੇ ਐਂਟੋਨੀਓ ਹੱਕਾ ਬੱਕਾ ਰਹਿ ਗਿਆ। ਸ਼ਾਈਲਾਕ ਨੇ ਉੱਪਰੋਂ ਹਿਤ ਕਰਕੇ ਵਿੱਚੋਂ ਕਾੱਤੀ ਚਲਾਉਣੀ ਚਾਹੀ ਅਤੇ ਇਹ ਗੱਲ ਜਿਤਾਉਣ ਲਈ ਕਿ ਓਹ ਐਂਟੋਨੀਓ ਉੱਤੇ ਉਪਕਾਰ ਕਰਕੇ ਓਹਨੂੰ ਮਿੱਤ੍ਰ ਬਣਾਉਣਾ ਚਾਹੁੰਦਾ ਹੈ, ਆਖਣਲੱਗਾ ਕਿ ਤਿੰਨ ਹਜਾਰ ਰੁਪਏ ਹੁਦਾਰੇ ਦੇਣ ਨੂੰ ਮੈਂ ਤਿਆਰ
ਹਾਂ ਅਤੇ ਬਿਆਜ ਬੀ ਨਾ ਲਵਾਂਗਾ ਪਰ ਨਾਲੇ ਇਹ ਬੀ ਕਿਹਾ:—
ਸ਼ਾਈਲਾਕ—ਪਰ ਇੱਕ ਗੱਲ ਹੈ,ਐਂਟੋਨੀਓ ਨੂੰ ਹਾਸੇ ਭਾਣੇ ਇਕ ਟੋਂਬੂ ਕਚਹਿਰੀ ਵਿੱਚ ਇਸ ਗੱਲ ਦਾ ਕਰ ਦੇਣਾਂ ਹੋਵੇਗਾ, ਕਿ ਜੇ ਐਂਟੋਨੀਓਂ ਫਲਾਨੀ ਤਰੀਕ ਨੂੰ ਸਾਰੀ ਰਕਮ ਨ ਦੇਵੇ ਤਾਂ ਸ਼ਾਈਲਾਕ ਜਿੱਥੋਂ ਚਾਹੇ ਅੱਧ ਸੇਰ ਮਾਸ ਐਂਟੋਨੀਓ ਦਾ ਵੱਢ ਲਏ॥
ਐਂਟੋਨੀਓਂ-ਇਹ ਗੱਲ ਮੈਂ ਮੰਨੀ, ਮੈਂ ਟੋਂਬੂ ਕਰਾਉਣ ਨੂੰ ਤਿਆਰ ਹਾਂ ਅਤੇ ਫੇਰ ਬੀ ਇਹ ਕਹਾਂਗਾ ਕਿ ਯਹੂਦੀ ਨੇ ਬੜੀ ਦਯਾ ਕੀਤੀ॥
ਬੈਸੈਨੀਓ-(ਗੱਲ ਟੋਕ ਕੇ) ਨਹੀਂ ਨਹੀਂ ਮੇਰੀ ਇਹ ਮਰਜੀ ਨਹੀਂ ਕਿ ਐਂਟੋਨੀਓ ਮੇਰੇ ਲਈ ਅਜੇਹਾ ਟੋਂਬੂ ਕਰਾਵੇ॥
