ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
(੨੮੮)
ਮਹਾ ਬਲੀ ਥੋਂ ਬਲੀ ਬੀ ਦਯਾ ਵਿੱਚ ਸੰਸਾਰ।
ਰਾਜੇ ਦੇ ਇਹ ਮੁਕਟ ਨੂੰ ਸ਼ੋਭਾ ਦੇਵਣਹਾਰ॥
ਹੱਥੀਂ ਡੰਡਾ ਰਾਜਿਆਂ ਲਈ ਨਿਸ਼ਾਨੀ ਥਾਪ।
ਬਹੁਤ ਵਿਖਾਉਂਦੇ ਆਪਣਾ ਲੋਕਾਂ ਨੂੰ ਪਰਤਾਪ॥
ਡੰਡਾ ਡਰ ਉਪਜਾਉਂਦਾ ਦਯਾ ਕਰੇ ਭੌਂ ਨਾਸ।
ਉਹ ਰਹਿੰਦਾ ਵਿੱਚ ਹੱਥ ਦੇ ਦਿਲ ਵਿੱਚ ਇਹਦਾ ਵਾਸ॥
ਦਯਾ ਆਪ ਭਗਵਾਨ ਦਾ ਗੁਣ ਜਾਣੋ ਹੇ ਮੀਤ।
ਪਰਮ ਧਰਮ ਹੈ ਜੀਵਦਾ ਦਯਾ ਕਰੇ ਇਹਨੀਤ॥
ਹੋਵੈ ਮੇਲ ਨਿਆਉਂ ਦਾ ਪਰ ਇਹ ਕਰੋ ਵਿਚਾਰ।
ਲੇਖੇ ਕਦੇ ਨ ਛੁੱਟੀਏ ਉਸ ਸਚੇ ਦਰਬਾਰ॥
ਈਸ੍ਵਰ ਅੱਗੇ ਬੇਨਤੀ ਬੰਦਾ ਕਰਦਾ ਆਪ।
ਦਯਾ ਕਰੀਂ ਮਹਾਰਾਜ ਤੂੰ ਬਖ਼ਸ਼ੀਂ ਸਾਡੇ ਪਾਪ॥
ਸੋ ਹੇ ਮੂਰਖ ਬੰਦਿਆ ਇਹ ਤੂੰ ਰੱਖ ਖਿਆਲ।
ਦਯਾ ਕਰੇਂਗਾ ਆਪ ਜੇ ਹੋਸੀ ਰੱਬ ਦਿਆਲ॥
ਹੇ ਸ਼ਾਈਲਾਕ ਮੈਂ ਇਹ ਸਾਰੀਆਂ ਗੱਲਾਂ ਤੈਨੂੰ ਇਸ ਵਾਸਤੇ ਆਖੀਆਂ ਹਨ ਕਿ ਨ੍ਯਾਊਂ ਵਰਤਣ ਵਿੱਚ ਕੁਝ ਨਰਮੀ ਕਰਣ ਲਈ ਤਿਆਰ ਹੋ ਜਾਓ, ਪਰ ਜੇਕਰ ਤੁਸੀਂ ਆਪਣੇ ਹਠੋਂ ਨਾ ਟਲੇ ਤਾਂ ਵੈਨਿਸ ਦੀ ਅਦਾਲਤ
