ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਨਹੀਂ ਕੀਤੀ ਗਈ
(੨੮੭)
ਸ਼ਾਈਲਾਕ—ਜੀ ਹਾਂ ਮੇਰਾ ਹੀ ਨਾਉਂ ਸ਼ਾਈਲਾਕ ਹੈ।
ਪੋਰਸ਼ੀਆ—ਤੁਸਾਂ ਬੀ ਅਨੋਖੀ ਨਾਲਿਸ਼ ਕੀਤੀ ਹੈ। ਹੱਛਾ ਜੋ ਕੁਝ ਹੋਇਆ ਸੋ ਹੋਇਆ, ਵੈਨਿਸ ਦੇ ਕਾਨੂਨ ਮੂਜਿਬ ਤੁਹਾਡਾ ਦਾਵਾ ਟੁੱਟ ਨਹੀਂ ਸਕਦਾ। (ਐਂਟੋਨੀਓਂ ਵੱਲ ਤੱਕ ਕੇ) ਤੁਸੀਂ ਬਿਲਕੁਲ ਇਨ੍ਹਾਂ ਦੇ ਵੱਸ ਹੋ, ਜਿਸ ਤਰ੍ਹਾਂ ਚਾਹੁਣ ਤੁਹਾਡੇ ਨਾਲ ਵਰਤਣ ਕਿਉਂ ਹੈ ਨਾਂ ਇਹੀਓ ਗੱਲ?
ਐਂਟੋਨੀਓ—ਜੀ ਹਾਂ ਇਹੋ ਇਹ ਕਹਿੰਦਾ ਹੈ।
ਪੋਰਸ਼ੀਆ—ਤਾਂ ਯਹੂਦੀ ਨੂੰ ਦਯਾ ਕਰਨੀ ਚਾਹੀਦੀ ਹੈ?
ਸ਼ਾਈਲਾਕ—ਪਰ ਇਹ ਤਾਂ ਦੱਸੋ ਕਿ ਮੈਨੂੰ ਕੋਈ ਬੰਨ੍ਹਕੇ ਦਯਾ ਕਰਾ ਸੱਕਦਾ ਹੈ?
ਪੋਰਸ਼ੀਆ— ॥ ਦੋਹਰੇ॥ ਦਯਾ ਹ੍ਰਿਦਯ ਦਾ ਭਾਵ ਹੈ ਬੱਝ ਨ ਕਰਦਾ ਕੋਇ। ਜਿੱਕੁਰ ਬਰਖਾ ਅੰਬਰੋਂ ਧਰਤੀ ਉੱਪਰ ਹੋਇ॥ ਜੋਨ ਕਰਦਾ ਹੈ ਦਯਾ ਜਿਸ ਪੁਰ ਕਰਦਾ ਆਨ। ਦੋਹਾਂ ਨੂੰ ਇਹ ਤਾਰਦੀ ਨਹਿ ਗੁਣ ਦਯਾ ਸਮਾਨ॥