ਪੰਨਾ:ਬਾਤਾਂ ਦੇਸ ਪੰਜਾਬ ਦੀਆਂ - ਸੁਖਦੇਵ ਮਾਦਪੁਰੀ.pdf/120

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਚੱਪਣੀ ਤੇ ਚੂਹਾ


ਇੱਕ ਸੀ ਬਾਪ ਇੱਕ ਸੀ ਕੁੜੀ, ਇੱਕ ਕੁੜੀ ਦੀ ਮਾਂ ਸੀ। ਕੁੜੀ ਦਾ ਉਹਨਾਂ ਨੇ ਨਾਂ ਚੱਪਣੀ ਰੱਖ ਲਿਆ। ਕੁੜੀ ਗਾਲਾਂ ਕੱਢਣ ਲੱਗ ਪਈ-ਮਾਂ ਨੇ ਕੁੱਟੀ ਪਿਓ ਨੇ ਝਿੜਕੀ। ਚੱਪਣੀ ਉਠ ਚੱਲੀ-ਚਲੋ ਚਾਲ ਜਾਂਦੀ ਐ। ਰਸਤੇ ਵਿੱਚ ਇੱਕ ਹਾਲੀ ਹਲ ਵਾਹੁੰਦਾ ਸੀ। ਉਹ ਕਹਿੰਦਾ, "ਚੱਪਣੀ ਚੱਪਣੀ ਕਿੱਥੇ ਚੱਲੀ?"
ਚੱਪਣੀ ਬੋਲੀ : "ਮਾਂ ਨੇ ਕੁੱਟੀ
ਪਿਓ ਨੇ ਝਿੜਕੀ
ਚੱਪਣੀ ਉੱਠ ਚੱਲੀ।"
ਹਾਲੀ ਕਹਿੰਦਾ : "ਚੱਪਣੀ ਤੂੰ ਮੇਰੇ ਕੋਲ ਰਹਿ ਪੈ।"
ਚੱਪਣੀ ਕਹਿੰਦੀ : "ਖਾਣ ਪੀਣ ਨੂੰ ਕੀ ਐ?"
ਉਹ ਕਹਿੰਦਾ : "ਖਾਣ ਪੀਣ ਨੂੰ ਤਾਂ ਕੁਝ ਨੀਂ?"


ਉਹ ਉਥੋਂ ਤੁਰ ਪਈ। ਗਹਾਂ ਇੱਕ ਮੋਰ ਪੈਲ ਪਾਉਂਦਾ ਸੀ। ਉਹ ਕਹਿੰਦਾ: ਚੱਪਣੀ ਚੱਪਣੀ ਕਿੱਥੇ ਚੱਲੀ?"
ਚੱਪਣੀ ਬੋਲੀ : "ਮਾਂ ਨੇ ਕੁੱਟੀ
ਪਿਓ ਨੇ ਝਿੜਕੀ
ਚੱਪਣੀ ਉੱਠ ਚੱਲੀ।"
ਮੋਰ ਫੇਰ ਕਹਿੰਦਾ : "ਚੱਪਣੀ ਤੂੰ ਮੇਰੇ ਕੋਲ ਰਹਿ ਪੈ।"
ਚੱਪਣੀ ਫੇਰ ਕਹਿੰਦੀ : "ਖਾਣ ਪੀਣ ਨੂੰ ਕੀ?"
ਮੋਰ ਕਹਿੰਦਾ : "ਮੇਰੇ ਕੋਲ ਦਾਣੇ ਹੀ ਨੇ।"
ਚੱਪਣੀ ਉੱਥੋਂ ਤੁਰ ਪਈ। ਗਹਾਂ ਇੱਕ ਚੂਹਾ ਖੁੱਡ ਪੁੱਟਦਾ ਸੀ। ਕਹਿੰਦਾ, "ਚੱਪਣੀ ਚੱਪਣੀ ਕਿੱਥੇ ਚੱਲੀ?"
ਚੱਪਣੀ ਬੋਲੀ : "ਮਾਂ ਨੇ ਕੁੱਟੀ
ਪਿਓ ਨੇ ਝਿੜਕੀ
ਚੱਪਣੀ ਉੱਠ ਚੱਲੀ।"
ਚੂਹਾ ਕਹਿੰਦਾ : "ਮੇਰੇ ਕੋਲ ਰਹੇਂਗੀ?"

116