ਪੰਨਾ:ਬੁਝਦਾ ਦੀਵਾ.pdf/86

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਮੁੱਚ ਇਹੋ ਕਿਹਾ ਹੈ ?"

ਨੌਕਰ ਨੇ ਆਖਿਆ-“ਭਲਾ, ਮੇਰੇ ਵਰਗਾ ਬੁੱਢਾ ਆਦਮੀ ਤੁਹਾਡੇ ਪਾਸ ਝੂਠੀ ਗੱਲ ਕਹਿ ਸਕਦਾ ਹੈ |"

"ਜੇ ਇਹ ਠੀਕ ਹੈ ਤਾਂ ਤੇ ਸਾਡੇ ਦੋਹਾਂ ਦੇ ਵਿਆਹ ਦੀ ਗੱਲ ਬਾਤ ਪੱਕੀ ਕਰਾ ਦੇ ।"

ਨੌਕਰ ਨੇ ਕਿਹਾ-"ਇਸ ਬਾਰੇ ਮਾਲਿਕ ਮੇਰੇ ਨਾਲ ਕਈ ਵਾਰ ਗੱਲਾਂ ਵੀ ਕਰ ਚੁੱਕਾ ਹੈ। ਉਹ ਤੁਹਾਡੇ ਨਾਲ ਵਿਆਹ ਕਰਨ ਲਈ ਪਾਗਲ ਹੈ, ਪਰ ਇਹ ਵਿਆਹ ਹੋ ਨਹੀਂ ਸਕਦਾ । ਇਸ ਲਈ ਕਿ ਤੁਹਾਡੇ ਦੋਵਾਂ ਵਿਚ ਗੁਰੂ-ਪਤਨੀ ਤੇ ਸ਼ਿਸ਼ ਦਾ ਸੰਬੰਧ ਹੈ । ਲੋਕ ਨਿੰਦਾ ਕਰਨਗੇ ।"

ਸ੍ਰੀ ਮਤੀ 'ਤਿਯੇਨ ਬੋਲੀ-“ਕੁਮਾਰ ਮੇਰੇ ਪਤੀ ਦੇ ਕਦੀ ਵੀ ਸ਼ਿਸ਼ ਨਹੀਂ ਬਣੇ ਤੇ ਸਾਡੇ ਗਵਾਂਢੀ ਸਭ ਮਾਮੂਲੀ ਆਦਮੀ ਹਨ । ਉਹ ਨਿੰਦਾ ਕਰਨ ਦਾ ਹੌਸਲਾ ਕਦੇ ਕਰ ਹੀ ਨਹੀਂ ਸਕਦੇ ।"

ਰਾਹ ਦੇ ਰੋੜੇ ਹਟਣ ਦਾ ਵਿਸ਼ਵਾਸ ਲੈ ਕੇ ਨੌਕਰ ਨੇ ਮਾਲਿਕ ਨਾਲ ਸਾਰੀ ਗੱਲ ਕਰਨ ਦਾ ਭਾਰ ਆਪਣੇ ਸਿਰ ਲੈ ਲਿਆ ਤੇ ਓਸ ਨੇ ਇਕਰਾਰ ਕੀਤਾ ਕਿ ਮੈਂ ਸਾਰੀ ਗਲ ਬਾਤ ਦਾ ਨਤੀਜਾ ਛੇਤੀ ਤੋਂ ਛੇਤੀ ਦਸ ਦਿਆਂਗਾ ।

ਨੌਕਰ ਦੇ ਜਾਣ ਪਿਛੋਂ ਸ੍ਰੀ ਮਤੀ ਤਿਯੇਨ ਖੁਸ਼ੀ ਨਾਲ ਪਾਗਲ ਹੋ ਗਈ। ਉਹ ਘੜੀ ਮੁੜੀ ਓਸ ਕਮਰੇ ਵਲ ਜਾਣ ਲਗੀ ਜਿਥੇ ਮੋਏ ਪਤੀ ਦਾ ਮ੍ਰਿਤੂ-ਸਰੀਰ ਰਖਿਆ ਹੋਇਆ ਸੀ । ਓਸ ਨੇ ਕਈ ਵਾਰ ਕੁਮਾਰ ਦੇ ਕਮਰੇ ਦੀ ਖਿੜਕੀ ਨਾਲ ਕੰਨ ਲਾ ਕੇ ਨੌਕਰ ਤੇ ਕੁਮਾਰ ਦੀ ਗੱਲ ਬਾਤ ਸੁਣਨ ਦੀ ਚੇਸ਼ਟਾ ਕੀਤੀ, ਪਰ ਕੋਈ ਆਵਾਜ਼ ਸੁਣਾਈ ਨ ਦਿਤੀ । ਏਸ ਤੋਂ ਥੋੜੇ ਚਿਰ ਪਿਛੋ ਜਦ ਉਹ ਪਤੀ ਦੀ ਲਾਸ਼ ਪਾਸੋਂ ਲੰਘ ਰਹੀ ਸੀ ਤਾਂ ਉਸ ਜ਼ੋਰ ਜ਼ੋਰ ਦਾ

੮੮
ਸਤੀ ਵਿਧਵਾ