ਇਹ ਸਫ਼ਾ ਪ੍ਰਮਾਣਿਤ ਹੈ
ਹਸ ਕੇ ਨਿਹੁੰ ਨਾ ਲਾਇਆ ਕਰ ਤੂੰ
ਸੁਣ ਲੈ ਨਿਹੁੰ ਦੇ ਝੇੜੇ
ਕੱਚਾ ਭੂਤਨਾ ਬਣ ਕੇ ਚਿੰਬੜਦਾ
ਨਿਹੁੰ ਜਿਨ੍ਹਾਂ ਨੂੰ ਛੇੜੇ
ਛੱਤੀ ਕੋਠੜੀਆਂ ਨੌਂ ਦਰਵਾਜ਼ੇ
ਜਿਥੇ ਨਿਹੁੰ ਦੇ ਡੇਰੇ
ਹੀਰ ਮਜਾਜਣ ਦੇ-
ਪੜ੍ਹ ਦੇ ਬਾਹਮਣਾ ਫੇਰੇ
ਡਾਕ ਗੱਡੀ ਤੇ ਚੜ੍ਹਗੀ
ਛੁਰੀ ਇਸ਼ਕ ਦੀ ਨਾਰ ਨਿਹਾਲੋ
ਤਨ ਮਨ ਦੇ ਵਿਚ ਬੜਗੀ
ਉਹ ਨਾ ਬਚਦੇ ਨੇ-
ਅੱਖ ਜਿਨ੍ਹਾਂ ਨਾਲ਼ ਲੜਗੀ
ਗੱਲ੍ਹਾਂ ਸ਼ੱਕਰ ਪਾਰੇ
ਮੱਥਾ ਤੇਰਾ ਬਾਲੇ ਚੰਦ ਦਾ
ਨੈਣ ਗਜ਼ਬ ਦੇ ਤਾਰੇ
ਦੁਖੀਏ ਆਸ਼ਕ ਨੂੰ-
ਨਾ ਝਿੜਕੀਂ ਮੁਟਿਆਰੇ
ਆਈਆਂ ਸਕੂਲੋਂ ਪੜ੍ਹਕੇ
ਸ਼ੀਸ਼ੇ ਥਾਣੀ ਮੁਖੜਾ ਦੇਖਣ
ਕਿੱਸੇ ਪੜ੍ਹਦੀਆਂ ਰਲ਼ਕੇ
ਫੱਟੀ ਬਸਤਾ ਸਵਾਤ ਵਿਚ ਰੱਖ ਕੇ
ਬਹਿ ਗਈਆਂ ਪਲੰਘ ਤੇ ਚੜ੍ਹਕੇ
ਗੋਲ਼ੀ ਨੈਣਾਂ ਦੀ-
ਮਾਰ ਆਸ਼ਕਾ ਧਰ ਕੇ
262 - ਬੋਲੀਆਂ ਦਾ ਪਾਵਾਂ ਬੰਗਲਾ
