ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/314

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਨੈਣ ਤੇ ਨਾਈ ਚੋਣ ਬੈਠਗੇ
ਚਾਰੇ ਵੰਗਾਂ ਫੜਕੇ
ਨੈਣ ਤਾਂ ਉੱਠੀ ਲੱਤਾਂ ਖਾ ਕੇ
ਨਾਈ ਉਠਿਆ ਭਰ ਕੇ
ਆਨੇ ਆਨੇ ਦੇ ਚੌਲ ਮੰਗਾਏ
ਗਹਿਣੇ ਗੁੱਛੀਆਂ ਧਰ ਕੇ
ਖਾਣ ਪੀਣ ਦਾ ਵੇਲਾ ਹੋਇਆ
ਖਾਂਦੇ ਖਾਂਦੇ ਲੜ ਪੇ
ਉਤੋਂ ਆ ਗੇ ਦੋ ਸਿਪਾਹੀ
ਦੋਹਾਂ ਨੂੰ ਲੈ ਗਏ ਫੜਕੇ
ਨੈਣ ਤਾਂ ਦਿੱਤੀ ਹਵਾਲਾਟ ਵਿਚ
ਨਾਈ ਤੇ ਡੰਡਾ ਖੜਕੇ
ਨਾਈ ਕਹੇ ਛੁਡਾ ਲੈ ਨੈਣੇ
ਗਹਿਣਾ ਗੱਟਾ ਧਰ ਕੇ
ਸ਼ੀਸ਼ਾ ਮਿੱਤਰਾਂ ਦਾ-
ਦੇਖ ਪੱਟਾਂ ਤੇ ਧਰ ਕੇ

ਆਰੀ ਆਰੀ ਆਰੀ

ਆਰੀ ਆਰੀ ਆਰੀ
ਭਾਗੀ ਦੇ ਬਾਪੂ ਨੇ
ਪੱਗ ਲਾਹ ਕੇ ਸਭਾ ਵਿਚ ਮਾਰੀ
ਘੜਾ ਨਾ ਚੁਕਾਇਓ ਕੁੜੀਓ
ਇਹਦੀ ਪਿੰਡ ਦੇ ਮੁੰਡਿਆਂ ਨਾਲ਼ ਯਾਰੀ
ਖਸਮਾਂ ਨੂੰ ਖਾਣ ਕੁੜੀਆਂ
ਘੜਾ ਚੱਕ ਲੂੰ ਮੌਣ ਤੇ ਧਰ ਕੇ
ਆਸ਼ਕਾਂ ਨੂੰ ਨਿੱਤ ਬਦੀਆਂ
ਕਾਹਨੂੰ ਰੋਨੀ ਐਂ-
ਢਿੱਲੇ ਜਹੇ ਬੁਲ੍ਹ ਕਰ ਕੇ

312- ਬੋਲੀਆਂ ਦਾ ਪਾਵਾਂ ਬੰਗਲਾ