ਨੀਤੀ ਸ਼ਤਕ / 67
੫੮. ਚਾਕਰੀ ਜਾਂ ਸੇਵਾ ਧ੍ਰਮ ਔਖਾ ਅਤਿ ਕੰਮ ਹੋਵੇ,
ਜੋਗੀਆਂ ਭੀ ਏਸਦੀ ਨਾਂ ਗਤੀ ਅਜੇ ਜਾਨੀ ਹੈ !
ਮੋਨ ਧਾਰ ਚੁੱਪ ਰਹੇ, ਗੁੰਗਾ ਤਦੋਂ ਆਖਦੇ ਨੀ
, ਬੋਲੇ, ਤਦ ਆਖਦੇ ਨੀ ਵੱਡਾ ਬਕੜਵਾਨੀ ਹੈ।
ਰਹੇ ਜਦੋਂ ਨੇੜੇ, ਤਦੋਂ ਢੀਠ ਆਖਦੇ ਨੀ,
ਦੂਰ ਰਹੇ, ਆਖਦੇ ਏ ਡਰੂ ਡਰਖਾਨੀ ਹੈ।
ਖਿਮਾਂ ਧਾਰ ਸਹੇ, ਤਦੋਂ ਕਾਇਰ ਨਾਮ ਰੱਖਦੇ ਨੀ,
ਸਹੇ ਜੇ ਨਾਂ, ਆਖਦੇ ਨੀ, ਕੀਤੀ ਕੁਲ ਹਾਨੀ ਹੈ।
੫੯. ਅੱਖ ਦੁਸ਼ਟ ਦੀ ਹੇਠਾਂ ਰਹਿਕੇ,
ਕੌਣ ਸੁਖੀ ਮਨ ਭਰਦਾ:-
ਜੋ ਮਰਿਯਾਦਾ ਕਿਸੇ ਨ ਬੱਝੇ,
ਗੁਣ ਦੋਖੀ ਬਦਿ ਕਰਦਾ।
ਧਨ ਹੋ ਗਿਆ ਸੁਤੇ ਹੀ ਪੱਲੇ,
ਵੱਡਾ ਹੋ ਹੋ ਟੁਰਦਾ ;
ਪਿਛਲੇ ਖੋਟੇ ਕਰਮਾਂ ਦੇ ਵਸ,
ਨੀਚ ਕਰਮ ਰੁਚਿ ਧਰਦਾ੧
੬੦. ਮੂਰਖ ਦਾ ਮਿਤ੨ ਜਾਣੋਂ ਬੈਠਾ,
ਪਹਿਲ ਦੁਪਹਿਰੀ ਛਾਵੇਂ।
੧. ਇਸ ਤੁਕ ਦਾ ਇਹ ਅਰਥ ਭੀ ਕਰਦੇ ਹਨ ਕਿ ਅਪਣੀ ਪਹਿਲੀ ਨੀਚ ਕਰਮਾਂ
ਨਾਲ ਰੋਟੀ ਕਮਾਉਣ ਦੀ ਜ਼ਿੰਦਗੀ ਨੂੰ ਭੁੱਲ ਗਿਆ ਹੈ।
੨. ਮਿੱਤ੍ਰ, ਯਾਰ।
