ਪੰਨਾ:ਮਾਨ-ਸਰੋਵਰ.pdf/149

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ



ਆਖ਼ਰ ਨੂੰ ਕੋਈ ਚੀਜ਼ ਹੈ, ਇਸ ਭੁੱਖ ਦਾ ਵੀ ਇੰਤਕਾਮ।
ਏਹ ਕੋਈ ਵਾਧਾ ਨਹੀਂ, ਕਰਨਾ ਜੇ ਹੋਇਆ ਕਤਲਆਮ।
ਐ ਅਮੀਰੋ ਸੰਭਲਨਾ, ਆ ਰਿਹਾ ਹੈ ਇਕ ਤੂਫ਼ਾਨ।

ਕ੍ਰਿਸਾਨ ਦੇ ਮੁੜ੍ਹਕੇ ਦੀ, ਪੈਂਦੀ ਰਹੀ ਹੈ ਖੇਤਾਂ 'ਚ ਖਾਦ।
ਕਿਹੜਾ ਉਹ ਬੂਟਾ ਹੈ,ਜਿਸਨੂੰ ਗੱਲ ਇਹ ਹੋਣੀ ਨਹੀਂ ਯਾਦ।

ਕਣਕ ਦੇ ਵੀ ਸਿੱਟਿਆਂ ਨੂੰ, ਸ਼ਰਮ ਆਉਂਦੀ ਹੈ ਬੜੀ।
ਸਦੀਆਂ ਤੋਂ ਜਿਹੜੀ ਵੇਹਲਿਆਂ ਦੇ ਢਿੱਡ ਵਿਚ ਪੈ ਪੈ ਸੜੀ।

ਲੂੰ ਕੰਡਿਆਏ ਨੇ ਇਹ, ਪਿੰਡੇ ਉਹਦੇ ਉਤਲੇ ਕਸੀਰ।
ਖਾਣ ਵਾਲੇ ਦਾ ਇਨ੍ਹਾਂ ਨੇ, ਢਿੱਡ ਹੁਣ ਦੇਣਾ ਏਂ ਚੀਰ।

ਐ ਅਮੀਰੋ ਸੰਭਲਣਾ, ਆ ਰਿਹਾ ਹੈ ਇਕ ਤੂਫਾਨ।

-੧੪੫-