ਇਹ ਸਫ਼ਾ ਪ੍ਰਮਾਣਿਤ ਹੈ
ਆ ਰਿਹਾ ਹੈ ਇਕ ਤੂਫਾਨ
ਹੰਝੂਆਂ ਦੇ ਵਿਚ, ਵੀ ਇਤਹਾਦ ਪੈਦਾ ਹੋ ਰਿਹੈ।
ਭੁੱਖਿਆਂ ਦੀ ਕੁੱਖ ਚੋਂ, ਫ਼ੌਲਾਦ ਪੈਦਾ ਹੋ ਰਿਹੈ।
ਡਰ ਹੈ ਹੰਝੂ ਰੁਲਣ ਤੇ, ਆ ਜਾਏ ਨ ਕਿੱਧਰੇ ਤੂਫਾਨ।
ਲਹਿਰਾਂ ਦੀਆਂ ਛੁਰੀਆਂ ਦੇ ਸ੍ਹਾਵੇਂ,ਠਹਿਰ ਨਹੀਂ ਸਕਣਾ ਜਹਾਨ।
ਐ ਅਮੀਰੋ ਸੰਭਲਣਾ, ਹੁਣ ਆ ਰਿਹਾ ਹੈ ਇਕ ਤੂਫ਼ਾਨ।
ਭੁਖ ਭੰਨਿਆ, ਮੰਗਤੀ ਦੀ ਗੋਦ ਵਿਚ ਜੋ ਬਾਲ ਹੈ।
ਅਪਣੀਆਂ ਉਹ ਬੁਝਦੀਆਂ, ਅੱਖਾਂ ਨੂੰ ਕਰਦਾ ਲਾਲ ਹੈ।
ਉਸ ਦੇ ਪਿੰਜਰ ਦੀਆਂ ਓਹ, ਉਭਰ ਰਹੀਆਂ ਹੱਡੀਆਂ।
ਵੇਖਣਾ ਕਿੱਤੇ ਭੁਖ ਨੇ, ਹੋਵਣ ਨ ਛੁਰੀਆਂ ਕੱਢੀਆਂ।
ਯੁਗ ਪਲਟਾਊ ਇਹੋ, ਕਾਦਰ ਨ ਬਣ ਜਾਵੇ ਕਿਤੇ!
ਭੁਖਾ ਵਿਲਕਦਾ ਬਾਲ ਏਹ, ਨਾਦਰ ਨ ਬਣ ਜਾਵੇ ਕਿਤੇ।
-੧੪੪-
