ਪੰਨਾ:ਮਾਨ-ਸਰੋਵਰ.pdf/159

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਬੀਰਤਾ

ਹੈਂ ਏਹ ਕੌਣ ਵੇ ਸ਼ਾਹੀ ਨੁਹਾਰ ਵਾਲਾ,
ਵਿਚ ਪੱਥਰਾਂ ਦੇ ਡੇਰਾ ਲਾਈ ਬੈਠਾ।
ਕੇਹੜਾ ਸੂਰਮਾ ਘਰੋਂ ਬੇ-ਘੱਰ ਹੋਕੇ,
ਮੁਛਾਂ ਕੁੰਢੀਆਂ ਵੱਟ ਚੜ੍ਹਾਈ ਬੈਠਾ।
ਖਿਚ ਖਿਚ ਤੰਦ ਕਮਾਣ ਦੀ ਪਰਖਦਾ ਏ,
ਤਰਕਸ਼ ਮੋਢੇ ਤੋਂ ਤੀਰਾਂ ਦਾ ਲਾਹੀ ਬੈਠਾ।
ਏਹ ਕੌਣ ਹੈ ਦੰਦਾਂ ਨੂੰ ਪੀਹ ਪੀਹ ਕੇ,
ਮਾਂਜ ਮਾਂਜ ਕੇ ਤੇਗ ਲਸ਼ਕਾਈ ਬੈਠਾ।

ਜ਼ਰਾ ਆਓ ਖਾਂ ਗੌਹ ਨਾਲ ਵੇਖ ਲਈਏ,
ਕਿਨ੍ਹੇ ਦਿਤੀ ਜਹਾਨ ਨੂੰ ਛਾਪ ਹੈ ਏਹ।
ਇਹ ਤੇ ਅੰਨਿਆਂ ਨੂੰ ਦੂਰੋਂ ਦਿੱਸਦਾ ਏ,
ਊਦੇ ਸਿੰਘ ਦਾ ਰਾਣਾ 'ਪਰਤਾਪ' ਹੈ ਏਹ।

-੧੫੬-