ਪੰਨਾ:ਮਾਨ-ਸਰੋਵਰ.pdf/163

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਏਸ ਟੁਕੜੇ ਨੇ ਮੋਈਏ ਕੀ ਡੱਕਣਾ ਏਂ,
ਠਾਠਾਂ ਮਾਰਦਾ ਸਾਰਾ ਜੋ ਵਹਿਣ ਲੱਗਾ।

ਤੜਫ਼ ਤੜਫ਼ ਸੁਨੈਹਰੀ ਜਹੀ ਲਾਟ ਵਾਲਾ,
ਭਾਵੇਂ ਬੁਝ ਜਾਏ ਮੇਰਾ ਚਰਾਗ ਕੋਈ।
ਅਪਣੇ ਮਥੇ ਤੇ ਐਪਰ ਮੈਂ ਚੰਨ ਵਾਂਗੂ,
ਲੱਗਣ ਦੇਣਾ ਨਹੀਂ ਕਾਲੋਂ ਦਾ ਦਾਗ ਕੋਈ।

ਸੂਰਬੀਰ ਹਾਂ, ਬੀਰਤਾ ਧਰਮ ਮੇਰਾ,
ਮੈਂ ਨਹੀਂ ਮੁਸ਼ਕਲਾਂ ਨੂੰ ਮੱਥੇ ਟੇਕ ਸਕਦਾ।
'ਮਾਨ' ਆਪਣੇ ਬੱਚੇ ਦੀ ਜਾਨ ਬਦਲੇ,
ਕੌਮੀ ਆਨ ਨੂੰ ਰੁਲਦਾ ਨਹੀਂ ਵੇਖ ਸਕਦਾ।

-੧੬੦-