ਪੰਨਾ:ਮਾਨ-ਸਰੋਵਰ.pdf/188

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਕਿਤੇ ਆ ਪੀਆ

(ਪ੍ਰਦੇਸ ਗਏ ਪੀਆ ਨੂੰ ਪ੍ਰੇਮਣ ਦੀ ਚਿਠੀ)

ਸਾਵਣ ਦੇ ਨਜ਼ਾਰੇ ਆ ਗਏ ਨੇ,
ਫੁੱਲਾਂ ’ਚ ਹੁਲਾਰੇ ਆ ਗਏ ਨੇ।
ਔਹ ਘਾ ਦਿਆਂ ਹਰਿਆ ਅੰਬਰਾਂ ਤੇ,
ਜੁਗਨੂੰ ਬਣ ਤਾਰੇ ਆ ਗਏ ਨੇ।

ਅਜ ਬਿਹਬਲ ਵਹਿੰਦੀਆਂ ਨਦੀਆਂ ਨੂੰ,
ਸਾਗਰ ਦੇ ਕਿਨਾਰੇ ਆ ਗਏ ਨੇ।
ਨੱਢੀਆਂ ਦੇ ਸਿਪਾਹੀ ਲਾਮਾਂ ਚੋਂ,
ਵਰਦੀ 'ਚ ਸ਼ਿੰਗਾਰੇ ਆ ਗਏ ਨੇ।

ਬਣ ਬਣ ਕੇ ਜੋਗੀ ਰਾਂਝੇ ਕਈ,
ਹੀਰਾਂ ਦੇ ਦਵਾਰੇ ਆ ਗਏ ਨੇ।
ਗਲ ਕੀ ਸੰਸਾਰ 'ਚ ਸਾਰੇ ਹੀ,
ਸਭਨਾਂ ਦੇ ਸਾਰੇ ਆ ਗਏ ਨੇ।

-੧੮੫-