ਇਹ ਸਫ਼ਾ ਪ੍ਰਮਾਣਿਤ ਹੈ
ਸਿਖੀ
ਬਾਰ ਬਾਰ ਵੇਖੀਏ ਤੇ ਫਿੱਕੀ ਫਿੱਕੀ ਜਾਪਦੀ ਏ,
ਚੱਟਣੀ ਅਲੂਣੀ ਸਿਲਾ ਨਾਨਕ ਨੇ ਲਿੱਖੀ ਏ ।
ਗੁੱਛੀ ਹੈ ਖਜੂਰ ਦੀ ਖਜੂਰ ਦੀਆਂ ਟੀਸੀਆਂ ਤੇ,
ਜਾਨ ਹੀਲ ਤੋੜੇ, ਜਿੰਨ੍ਹੇ ਜਾਨ ਦੇਣੀ ਸਿਖੀ ਏ ।
ਸਿਰ ਧਰ ਤਲੀ ਜੇਹੜਾ ਗਲੀ ਗਲੀ ਢੂੰਡਦਾ ਏ,
ਸ਼ਮ੍ਹਾਂਂ ਦਿਲਦਾਰ ਵਾਲੀ ਉਹਨੂੰ ਮਸੇਂ ਦਿਖੀ ਏ ।
ਮ੍ਰਿਗ-ਸ਼ਾਲਾ ਛੱਡ ਜੋ ਸਮਾਧੀ ਲਾਵੇ ਤਵੀ ਉੱਤੇ,
ਇਹਦੇ ਦਰਬਾਰ ਵਿਚ ਓਹੋ ਸੱਚਾ ਰਿਖੀ ਏ ।
ਇਹਦੇ ਉਤੇ ਚਲੇ ਜੇਹੜਾ ਟੱਲੇ ਨਾ ਅਟੱਲ ਹੋਵੇ,
ਵਾਲਾਂ ਕੋਲੋਂ ਨਿੱਕੀ ਅਤੇ ਖੰਡਿਓਂ ਤ੍ਰਿੱਖੀ ਏ ।
ਆਪ ਜਿੱਥੋਂ ਸਿਖੀ ਨੇ ਹੈ ਜਾਚ ਸਿਖੀ ਜੀਵਣੇ ਦੀ,
ਬੇ-ਲਿਹਾਜ਼ ਉਹਨੂੰ ਵੀ ਚਪੇੜਾਂ ਲਾਉਣ ਸਿਖੀ ਏ ।
- ੮੩ -
