ਪੰਨਾ:ਯਾਦਾਂ.pdf/44

ਵਿਕੀਸਰੋਤ ਤੋਂ
ਨੈਵੀਗੇਸ਼ਨ 'ਤੇ ਜਾਓ ਸਰਚ ਤੇ ਜਾਓ
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਓਹ ਮਜ਼ਹਬ ਕਾਹਦਾ ਜਿਹੜਾ ਦੂਜਿਆਂ ਦੇ,
ਜਜ਼ਬੇ ਪੈਰਾਂ ਦੇ ਹੇਠ ਲਤਾੜਦਾ ਏ।
ਕਾਹਦਾ ਮਜ਼ਹਬ ਜੋ ਰਬ ਦੀ ਖੁਸ਼ੀ ਪਿਛੇ,
ਉਸਦੇ ਬੰਦਿਆਂ ਦੇ ਸੀਨੇ ਸਾੜਦਾ ਏ।
ਓਹ ਮਜ਼ਹਬ ਕੀ ਜੇਹੜਾ ਅਜ਼ਾਦ ਰੂਹ ਨੂੰ,
ਫਿਰਕੇਦਾਰੀਆਂ ਦੇ ਅੰਦਰ ਤਾੜਦਾ ਏ।
ਸੌਂਹ ਰੱਬ ਦੀ ਮਜ਼ਹਬ ਉਹ ਮਜ਼ਹਬ ਹੀ ਨਹੀਂ,
ਜੇਹੜਾ ਭਾਈ ਨੂੰ ਭਾਈ ਤੋਂ ਪਾੜਦਾ ਏ।
ਓਹਨੇ ਅੱਗੇ ਕੀ ਮਹਿਲ ਉਸਾਰਨੇ ਨੇ,
ਜੋ ਬਰਬਾਦ ਕਰ ਦਏ ਏਥੇ ਵਸਦਿਆਂ ਨੂੰ।
ਓਹਨੇ ਅੱਗੇ ਕੀ ਅਥਰੂ ਪੂਝਨੇ ਨੇ,
ਜੋ ਰੁਆ ਦੇਵ ਏਥੇ ਹਸਦਿਆਂ ਨੂੰ।

੩੬