ਸਮੱਗਰੀ 'ਤੇ ਜਾਓ

ਪੰਨਾ:ਯਾਦਾਂ.pdf/45

ਵਿਕੀਸਰੋਤ ਤੋਂ
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਜਾਂ ਤੇ ਮਜ਼ਹਬ ਹੈ ਧੋਖੇ ਦਾ ਨਾਮ ਦੂਜਾ,
ਜਾਂ ਅਸਾਂ ਇਸ ਨੂੰ ਠੀਕ ਜਾਨਿਆਂ ਨਈਂ।
ਜਾਂ ਇਹ ਜ਼ਹਿਰ ਹੈ ਯਾ ਅਸਾਂ ਏਸ ਅੰਦਰ,
ਅੰਮ੍ਰਿਤ ਲੁਕੇ ਤਾਈਂ ਪੁਨਿਆਂ ਛਾਨਿਆਂ ਨਈਂ।
ਜਾਂ ਏਹ ਢੇਰ ਹੈ ਕਚ ਦੇ ਮਨਕਿਆਂ ਦਾ,
ਇਸਦੇ ਹੀਰਿਆਂ ਨੂੰ ਜਾਂ ਪਛਾਨਿਆਂ ਨਈਂ।
ਜਾਂ ਏਹ ਬੇਸੁਰਾ ਰਾਗ ਹੈ ਜਾਂ ਇਸਦੀ,
ਅਰਸ਼ੀ ਲੈਅ ਨੂੰ ਅਸਾਂ ਨੇ ਮਾਨਿਆਂ ਨਈਂ।
ਮਜ਼ਹਬ ਬੁਰਾ ਹੈ ਏਹ ਇਨਸਾਨ ਕੋਲੋਂ,
ਹੈਵਾਨਾਂ ਦੇ ਕੰਮ ਕਰਾਉਂਦਾ ਏ।
ਐਪਰ ਮਜ਼ਹਬ ਹੀ ਖਾਕ ਦੇ ਬੰਦਿਆਂ ਨੂੰ,
ਜ਼ਿਮੀਂ ਉਤੇ ਫਰਿਸ਼ਤੇ ਬਨਾਂਵਦਾ ਏ।

੩੭