ਪੰਨਾ:ਯਾਦਾਂ.pdf/51

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਕੈਦ ਖਾਨਿਓਂ ਲਿਆ ਬੁਲਵਾ ਯੂਸਫ, .
ਪਾਸ ਸੱਦ ਕੇ ਨਾਲ ਧਿਆਨ ਡਿੱਠਾ।
ਫੌਰਨ ਵੇਖਦੇ ਸਾਰ ਚਕੋਰ ਹੋ ਗਈ,
ਜਦ ਜੁਲੈਖਾਂ ਨੇ ਚੱਨ ਕਿਨਾਨ ਡਿੱਠਾ।
ਗੋਲੀ ਬਨਕੇ ਰਹਿਣ ਨੂੰ ਫ਼ਖਰ ਸਮਝੀ,
ਅਖੀਂ ਹੁਸਨ ਦਾ ਜਦੋਂ ਸੁਲਤਾਨ ਡਿੱਠਾ।
ਨਸ ਜਾਨ ਲੱਗਾ ਯੂਸਫ ਮਹਿਲ ਵਿਚੋਂ,
ਜਦੋਂ ਔਰਤ ਦਾ ਦਿਲ ਬੇਈਮਾਨ ਡਿੱਠਾ।
ਓਦੋਂ ਝਟ ਜ਼ੁਲੈਖਾ ਨੇ ਇਹ ਕਹਿਕੇ,
ਫੜ ਲਿਆ ਸੀ ਨਾਲ ਪਿਆਰ ਪੱਲਾ।
ਸ਼ਰਬਤ ਵਸਲ ਦੇ ਬਾਜ ਤਬੀਬ ਮੇਰੇ,
ਕਿਵੇਂ ਛਡਦੇ ਤੇਰਾ ਬੀਮਾਰ ਪੱਲਾ।

੪੩