ਪੰਨਾ:ਯਾਦਾਂ.pdf/69

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਬਾਬਰ ਹੈਂਕੜੀ ਜਿੱਤ ਕੇ ਦੁਸ਼ਮਨਾਂ ਨੂੰ,
ਕਰਾਮਾਤ ਤਲਵਾਰ ਨੂੰ ਸਮਝਦਾ ਸੀ।
ਤਖਤ ਤਾਜ ਵਾਲੀ ਪੌੜੀ ਦੇ ਡੰਡੇ,
ਨੇਜ਼ੇ, ਤੀਰ, ਕਟਾਰ ਨੂੰ ਸਮਝਦਾ ਸੀ।
ਬੇ-ਸੁਰੀ ਕੁਵੇਲੇ ਦੇ ਰਾਗ ਵਾਂਗਰ,
ਖਲਕਤ ਵਾਲੀ ਪੁਕਾਰ ਨੂੰ ਸਮਝਦਾ ਸੀ।
ਪਾਨੀ ਪੀਰਾਂ ਫਕੀਰਾਂ ਦੀ ਕਦਰ ਕੀ ਸੀ,
ਠੱਠਾ ਪਿਆ ਕਰਤਾਰ ਨੂੰ ਸਮਝਦਾ ਸੀ।
ਐਪਰ ਚੁੱਕੀਆਂ ਭੌਂਦਿਆਂ ਵੇਖ ਆਪੇ,
ਨਸ਼ਾ ਸੈਹਿਨਸ਼ਾਹੀ ਸਾਰਾ ਚੂਰ ਹੋਇਆ।
ਡਿਗ ਪਿਆ ਹਜ਼ੂਰ ਦੇ ਵਿਚ ਕਦਮਾ,
ਮਸਤੀ ਨਾਮ ਦੀ ਨਾਲ ਮਖਮੂਰ ਹੋਇਆ।

੬੧