ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਯਾਦਾਂ
ਏਸ ਨਿੱਕੇ ਜਹੇ ਸੱਖੀ ਦਿਲ ਅੰਦਰ,
ਸੀਗਾ ਕੁਲ ਕੁਦਰਤ ਦਾ ਕਮਾਲ ਲੁਕਿਆ।
ਸੀ ਉਤਸ਼ਾਹ ਦੇ ਅੰਦਰ ਵੈਰਾਗ ਲੁਕਿਆ,
ਜਿਵੇਂ ਰਾਗ ਹੁੰਦਾ ਅੰਦਰ ਤਾਲ ਲੁਕਿਆ।
ਲੁਕਿਆ ਇਸ਼ਕ ਰੱਬੀ ਇਸ ਵਿਚ ਇਸ ਤਰਾਂ ਸੀ,
ਜਿਵੇਂ ਅੰਦਰ ਜਵਾਬ ਸਵਾਲ ਲੁਕਿਆ।
ਲੁਕਿਆ ਕੰਵਲ ਦੇ ਵਾਂਗ ਸੀ ਵਿਚ ਮਾਯਾ,
ਸੀਗਾ ਗੋਦੜੀ ਦੇ ਅੰਦਰ ਲਾਲ ਲੁਕਿਆ।
ਦਯਾ ਧਰਮ ਹਿੰਮਤ ਮੋਹਕਮ ਕਰਕੇ ਤੇ,
ਏਸ ਦਿਲ ਅੰਦਰ ਸਾਹਿਬ ਰਖੀਆਂ ਸੀ।
ਦਿਲ ਕੀ ਪੂਰਨ ਵਿਰਾਗ ਦਾ ਸੀ ਸੋਮਾਂ,
ਰਾਜ ਯੋਗ ਦੋ ਲੈਹਰਾਂ ਦੋ ਅਖੀਆਂ ਸੀ।
੮੧.
6.
