ਪੰਨਾ:ਰੂਪ ਲੇਖਾ.pdf/94

ਸੰਗੀਤ-ਰੈਣ

$\scriptstyle {\left\{{\begin{matrix}\ \\\\\ \\\ \ \end{matrix}}\right.}$

ਸਰਦਾਰ ਸੋਭਾ ਸਿੰਘ ਆਰਟਿਸਟ ਨੇ ਕਾਲੀ ਜ਼ਮੀਨ ਕਰ ਕੇ ਗਿਣਤੀ ਦੇ ਸਫੈਦ ਖਤਾਂ ਨਾਲ ਤਸਵੀਰ ਵਾਹੀ ਹੈ।

$\scriptstyle {\left.{\begin{matrix}\ \\\\\ \\\ \ \end{matrix}}\right\}\,}$

ਪਾ ਲਈ ਹੈ ਚੰਨ ਦੀ ਹੀ
⁠ਬਾਂਕ ਸਾਉਲੀ ਰਾਤ ਨੇ।
ਹੁਸਨ ਦਾ ਹੈ ਰਾਜ਼ ਦੱਸਿਆ,
⁠ਸਤਿ ਸ਼ਿਵ ਦੀ ਜ਼ਾਤ ਨੇ।
ਸਾਜ਼ ਸੁਰ ਕਰਦੀ ਜਿਵੇਂ ਹੈ,
⁠“ਰੂਪ” ਹੁਸਨਾਂ ਦੀ ਪਰੀ।
ਹੁਨਰ ਨੇ ਰੰਗ ਲਾਇਆ,
⁠ਦੋ ਚਾਰ ਲੀਕਾਂ ਨਾਲ ਹੀ।
ਹੋ ਰਿਹਾ ਨਹੀਂ ਰਾਗ ਤਾਂ ਵੀ,
⁠ਮੈਂ ਹਾਂ ਸੁਣਦਾ ਜਾ ਰਿਹਾ।
ਤਿੰਨ ਕਲਾਂ ਦੇ ਮੇਲ ਤੋਂ,
⁠ਆਨੰਦ ਅਨੋਖਾ ਪਾ ਰਿਹਾ।

੮੦.