ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਰੜਖੇੜ ਹੋ ਰਹੀ ਹੈ।
ਆਸਾ ਕਰੋ ਕਿਵੇਂ ਹੀ,
ਕਰਦਾ ਸਮਾਂ ਹੈ ਹੋ,
ਚਿਤਵੋ ਰਿਦੇ ਕੁਛ ਹੋਰੋਂ
ਹੁੰਦੀ ਓਵੇਂ ਨਹੀਂ ਹੈ।
ਬਣਕੇ ਫਦੋਕ ਇਸਦੀ
ਸੌਂਦਰਯਤਾ ਦੀ ਕੁੰਡਣ,
ਲਿਵਲਾਇ ਨੇਹੁੰ ਪਾਲਣ,
ਜਯੋਂਦਿਆਂ ਮਰਨ ਜਿਹੀ ਹੈ
ਬਿਰਹੋਂ ਕਟਾਰ ਸਹਿਣੇ,
ਹਾਵੇ ਉਡੀਕ ਤਰਸਣ,
ਸਿੱਕਣ, ਨਿਤਾਸ, ਕਸਣ
ਕਿਸ ਅਰਥ ਲੈ ਲਈ ਹੈ?
ਸ਼ੌਕੇ ਜਿ ਇਕ ਝਾਕਾ,
ਖਾ ਘਾਉ ਪਟਕਣਾ ਹੈ,
ਇਕ ਰਸ ਨ ਮੇਲ ਹੋਣਾ,
ਪੀਤੀ ਕਹੋ ਕਹੀਂ ਹੈ?
ਇਕ ਰਸ ਨਹੀਂ ਜੁ ਰਹਿੰਦਾ,
ਤਰਸਾਉਂਦਾ, ਸਿਕੇਂਦਾ
ਖਿੱਦ ਦੇ ਵਾਂਕ ਸਟਦਾ,
ਧੁਰ ਬਾਣ ਏ ਪਈ ਹੈ,
ਉਸ ਤੋਂ ਉਦਾਸ ਹੋਣਾ,
-੧੪੬-
