ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੭੧ )
ਸਭ ਦੇ ਪ੍ਯਾਰੇ ਸੇ,ਓਹ ਕਿਸੇ ਦੀ*ਨਿੰਦਾ ਔਰ
ਉਸਤਤਿ ਨਹੀਂ ਕਰਦੇ ਸੇ, ਜੋ ਯਥਾਰਥ ਦੇਖਦੇ ਸੇ ਸੋ
ਆਖਦੇ ਸੇ, ਓਹ ਵੇਦ ਕੁਰਾਨ ਆਦਿਕ ਪੁਸਤਕਾਂ ਨੂੰ
ਇੱਕ ਦ੍ਰਿਸ਼ਟੀ ਨਾਲ ਦੇਖਦੇ ਸੇ, ਓਹ ਸੰਸਕ੍ਰਿਤ ਨੂੰ
“ਦੇਵਬਾਣੀ" ਔਰ ਅਰਬੀ ਫਾਰਸੀ ਨੂੰ **"ਮਲੇਛ
ਭਾਸ਼ਾ" ਨਹੀਂ ਸਮਝਦੇ ਸੇ, ਜੇਹਾ ਕਿ ਉਨ੍ਹਾਂ ਦੀ
ਬਾਣੀ ਤੋਂ ਸਿੱਧ ਹੈ:-
ਅਲਹਿ ਅਲਖ ਅਪਾਰ,
ਖੁਦ ਖੁਦਾਇ ਵਡ ਬੇਸੁਮਾਰ.
ਓ ਨਮੋ ਭਗਵੰਤ ਗੁਸਾਈ,
ਖਾਲਿਕ ਰਵਰਹਿਆ ਸਰਬਠਾਂਈ.
ਮਿਹਰਵਾਨ ਮਉਲਾ ਤੁਹੀ ਏਕ,
ਪੀਰ ਪੈਕਾਂਬਰ ਸੇਖ.
ਕਹੁ ਨਾਨਕ ਗੁਰੁ ਖੋਏ ਭਰਮ,
ਏਕੋ ਅਲਹੁ ਪਾਰਬ੍ਰਹਮ.(ਰਾਮਕਲੀ ਮਹਲਾ ੫)
ਹਿੰਦੂ-ਹੋਰ ਗੱਲਾਂ ਜਾਣਦੇਓ, ਦੇਖੋ ! ਗੁਰੂ ਸਾਹਿਬ
- ਗੁਣਾਂ ਨੂੰ ਦੋਸ਼ ਦੱਸਣਾ ਨਿੰਦਾ ਹੈ, ਔਰ ਅਵਗੁਣਾ ਨੂੰ
ਗੁਣ ਪ੍ਰਗਟ ਕਰਣਾ ਉਸਤਤਿ ਹੈ,
- ਹਿੰਦੂ ਸ਼ਾਸਤ੍ਰਾਂ ਦੀ, ਮਲੇਛਭਾਸ਼ਾ ਬਾਬਤ ਏਹ ਰਾਯ ਹੈ:-
- ਹਿੰਦੂ ਸ਼ਾਸਤ੍ਰਾਂ ਦੀ, ਮਲੇਛਭਾਸ਼ਾ ਬਾਬਤ ਏਹ ਰਾਯ ਹੈ:-
"ਮਲੇਛ ਭਾਸ਼ਾ ਨਾ ਬੋਲੇ" (ਵ੍ਰਿਹਤ ਪਰਾਸਰ ਸੰਹਿਤਾ ਅ : ੪)
"ਮਲੇਛਭਾਸ਼ਾ ਕਦੇ ਨਾ ਸਿੱਖੇ" (ਵਸਿਸ਼ਟ ਸੰਹਿਤਾ ਅ : ੬)
"ਮਲੇਛ ਔਰ ਚੰਡਾਲ ਨਾਲ ਗੱਲ ਨਾ ਕਰੇ." (ਵਿਸ਼ਨੂ ਸਿਮ੍ਰਿਤੀ ਅ:੬੪)
